უკან
საზოგადოება
23 ოქტომბერი, 2017 12:10
გაათავისუფლებენ თუ არა თბილისის 67-ე სკოლის დირექტორს? - ეს დღეს გახდება ცნობილი
დღეს განათლების სამინისტრო შიდა აუდიტის დასკვნას გამოაქვეყნებს იმასთან დაკავშირებით, გაათავისუფლებენ თუ არა თბილისის 67-ე სკოლის დირექტორ მარიამ თავართქილაძეს.
დირექტორს ადანაშაულებენ ფინანსურ დარღვევებში, მასწავლებელთა შევიწროებასა და შეურაცხყოფაში.
მარიამ თავართქილაძის გათავისუფლებას პედაგოგთა ნაწილი ითხოვს.
შეგახსენებთ, გასულ კვირას სკანდალი აგორდა. 67-ე სკოლის სამეურვეო საბჭოს წევრმა და მოსწავლის დედამ ნათია მახარაშვილმა ქიმიის მასწავლებელი დოდო კეზუა, წარმოშობით აზერბაიჯანელი მოსწავლის შეურაცხყოფასა და სხვა მოსწავლეების ცემაში დაადანაშაულა.
ბრალდებას არ დაეთანხმა მოსწავლეთა ნაწილმა, რომელმაც მასწავლების მხარდასაჭერად აქცია გამართა. მათ განაცხადეს, რომ ბრალდებები უკავშირდება დირექტორისა და მასწავლებლის დაპირისპირებას.