უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 12:41გენდერული კვოტირების გაუქმებას პრეზიდენტმა ვეტო დაადო და პარლამენტს უკვე მიმართა
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
სამართალი
გაჩეჩილაძის ადვოკატს შემიძლია შევთავაზო, მოვიდეს და რამდენჯერმე წამოვარტყამ - ნიკა გვარამია
რუსთავი 2-ის გენერალურმა დირექტორმა ნიკა გვარამიამ გამოძიების მოთხოვნით რატი გაჩეჩილაძის მიერ მისი ცემის საქმესთან დაკავშირებით ლევან სამხარაულის სახელობის ეროვნულ ბიუროში ექსპერტიზა გაიარა.
მოგვიანებით, გვარამიამ ჟურბალისტებთან საქმის მიმდინარეობის შესახებ კომენტარიც გააკეთა და მუხლის გადაკვალიფიცირების აუცილებლობას გაუსვა ხაზი.
„გაჩეჩილაძის ადვოკატს შემიძლია შევთავაზო, მოვიდეს და რამდენიმეჯერ წამოვარტყამ, თუ ეს არაფერს არ ნიშნავს და მერე დამაჯარიმონ ადმინისტრაციულად. გაჩეჩილაძეებს ვურჩევდი ადვოკატი გამოცვალონ იმიტომ, რომ ყველაფერი, რასაც ეს ადვოკატი ლაპარაკობს, არის მათ წინააღმდეგ მამხილებელი მასალა. ყველაფერს, რასაც ეს ადვოკატი ლაპარაკობს შინაარსი აქვს, რომ ადგილი აქვს სიძულვილის დანაშაულს, რაც არის მძიმე დანაშაული. ვაწყდებით დევნას სიძულვილით გამოწვეულს და ძალის გამოყენებით.
როდესაც ვსაუბრობ კვალიფიკაციის შეცვლაზე, ვსაუბრობ სწორედ იქიდან გამომდინარე, რასაც ბრალდებული თუ მისი ადვოკატი საუბრობენ საჯაროდ. მე ნადვილად არ შეიძლება ვიცოდე შინაგანი მოტივები რატი გაჩეჩილაძის, მე ეს ვიცი მისივე პირადი განცხადებებიდან და მისი ადვოკატის განცხადებებიდან. ამ განცხადებებიდან კი, ეს კვალიფიკაცია, რომელიც ახლა არის საქმეში, არის მსუბუქი და არის არაადეკვატური. ის არ შეესაბამება რეალობას’’, - აცხადებს ნიკა გვარამია.
ის აბსოლუტურ ტყუილს უწოდებს რატი გაჩეჩილაძის ადვოკატის განცხადებებს რაიმე სახის პროვოცირებასთან დაკავშირებით.
,,აბსოლუტური ტყუილია, რომ რაიმე სახის პროვოცირებას ჰქონდა ადგილი. ჯერ ერთი, მე საერთოდ არ ვიცნობ რატი გაჩეჩილაძეს, არც შემინიშნავს იქ. ეს აბსოლუტურად სხვა დღე იყო ჩემთვის და გაჩეჩილაძე კი არა, საერთოდ არავინ არ გამხსენებია. ვისთან არის საერთოდ ლევან გაჩეჩილაძე, რომ ოდესმე მახსენდებოდეს მისი არსებობა. ვსაუბრობდით ჩუმად, ნორმალურად და ვსაუბრობდით ჩემს პრობლემაზე, მამაჩემის გარდაცვალებაზე და ასე შემდეგ. მეტი რაზე უნდა გვესაუბრა... მე, მართალია, თავდასხმა არ მინახავს, იმიტომ რომ ეს თავდასხმა მოხდა უკნიდან და მიპარვით. მიუხედავად ამისა, მე ვნახე ორი თავდამსხმელი, რომელიც გარბოდა. ამას გარდა, ეს ორი თავდამსხმელი ნახეს ჩემმა ასე ვთქვათ, თანამესუფრეებმა, იქ მყოფმა ჩემმა მეგორბებმა და ნახეს, რომ ორივე იღებდა ამაში მონაწილეობას. მე არავითარი საფუძველი არ მაქვს მათ არ ვენდო. ასე რომ, ნამდვილად შემიძლია ვთქვა, რომ იქ იყო ორი ადამიანი და სახელმწიფო გამოძიებას და ბრალდებას აქვს ვალდებულება, რომ დაადგინოს მეორე ადამიანის ვინაობა,“ - განაცხადა ნიკა გვარამიამ.
ცნობისათვის: ნიკა გვარამიაზე თავდასხმის ფაქტზე გამოძიება 126-ე მუხლის პირველი ნაწილით მიმდინარეობს, რაც ცემას ან სხვაგვარ ძალადობას გულისხმობს.
საქმეზე რატი გაჩეჩილაძის ბრალი დღეს ოფიციალურად წაუყენეს.
ნინო ექვთიმიშვილი