უკან

უახლესი ამბები

დღის კალენდარი

ანონსები

არქივი

საზოგადოება

26 მაისი, 2020 16:48
font-size

„გადარჩენის პარკი” - დახურული კლუბებისა და ბარების წარმომადგენლები განცხადებას ავრცელებენ

დახურული კლუბებისა და ბარების წარმომადგენლები განცხადებას ავრცელებენ, რომელშიც აღნიშნულია, რომ პანდემიით გამოწვეული კრიზისის ფონზე შექმნილი ვითარება მძიმედ აისახა სექტორზე. ისინი სახელმწიფოსგან დახმარებას ითხოვენ.

„პირველ რიგში, გილოცავთ საქართველოს დამოუკიდებლობის დღეს. ვწუხვართ, რომ საზეიმო განწყობის ნაცვლად, ქვეყანაში არსებულ უმძიმეს მდგომარეობაზე გვიწევს განცხადების გაკეთება. ჩვენი საინიციატივო ჯგუფი აერთიანებს ასობით ობიექტს და ათასობით დასაქმებულ პირს, სხვა დახურული სივრცეების, ბარებისა და კლუბების წარმომადგენლები კი ყოველდღიურად გვემატებიან.

ბარის და საკლუბო კულტურა, როგორც ღამის ეკონომიკის მნიშვნელოვანი ნაწილი, ქვეყანაში ტურიზმისა და საზოგადოებრივი ცხოვრების ერთ-ერთი საიმიჯო ნაწილია.

სახელმწიფო მხარდაჭერის გარეშე, ჩვენი შრომითა და ენთუზიაზმით, ათასობით სამუშაო ადგილი შევქმენით.

პანდემიით გამოწვეული კრიზისის ფონზე შექმნილი ვითარება იმდენად მძიმედ აისახა ჩვენს სექტორზე, რომ ბევრი ჩვენგანი გაკოტრების საფრთხის წინაშე დადგა, შესაბამისად, სახელმწიფოს მხრიდან მოვითხოვთ ყურადღებას.

როგორც თბილისის მერმა განაცხადა, ჩატარებულია კვლევა ჩვენი სფეროს პრობლემებსა და საჭიროებებზე, მაგრამ გვინდა აღვნიშნოთ, რომ სამწუხაროდ ეს მოხდა ჩვენთან კომუნიკაციისა და კონსულტაციების გარეშე. ჩვენი სფერო სპეციფიკური ბიზნეს მიმართულებაა და გონივრული გეგმის შემუშავება მხოლოდ ჩვენი ჩართულობით არის შესაძლებელი.

გაგაცნობთ ჩვენს მიერ ჩამოყალიბებულ კრიზისის დაძლევის ხედვასა და მოთხოვნებს, რომლის შესრულებასაც სასიცოცხლო მნიშვნელობა აქვს ინდუსტრიისა და დასაქმებული ათასობით ადამიანის არსებობის, განვითარებისა და მომავლისთვის“, – აღნიშნულია განცხადებაში.

ამავე განცხადებაში აღნიშნულია, რომ დაუყოვნებლივ უნდა დადგინდეს დახურული ბარების, კლუბებისა და მუსიკალური სივრცეების გახსნის თარიღი.

„იმისათვის რომ ჩვენმა სექტორმა სრულიად შეძლოს თავისი ეკონომიკური როლის დაბრუნება, აუცილებელია ერთწლიანი საშეღავათო პერიოდი გადასახადების, მათ შორის დღგ-ს კუთხით.
მოვითხოვთ საკრედიტო დახმარებას არსებული ბიზნეს ერთეულებისათვის კომერციული ბანკებიდან დაბალპროცენტიანი სესხის მიღებისას (დაახლოებით ისევე, როგორც ამას აკეთებს საქართველოს სახელმწიფო „აწარმოე საქართველოში“ პროგრამის ფარგლებში).

დროულად თუ არ მოგვეცემა დახურული სივრცეების გახსნის შესაძლებლობა, გვაქვს ინიციატივა, სახელმწიფოს ბალანსზე არსებულ, ცენტრალურ, მაგრამ გამოუყენებელ ღია სივრცეებში შევქმნათ სარეკრეაციო, ქვეყნის ტურისტული საიმიჯო პროდუქტი – „გადარჩენის პარკი“, სადაც უკვე არსებული დახურული ბარები წარმოადგენენ თავის ღია ვარიანტს, რათა მინიმუმამდე დავიყვანოთ ვირუსის გავრცელების რისკები.

აბსოლუტურად ვიაზრებთ პანდემიასთან ბრძოლაში ჩვენს წილ პასუხისმგებლობას, რაც უკვე დავამტკიცეთ ჩვენი ობიექტების და სივრცეების დაკეტვით საგანგებო მდგომარეობის გამოცხადებამდე ადრე, სახელმწიფოს მხრიდან რეკომენდაციების დამტკიცებამდე.

გვჯერა, რომ სახელმწიფოს გათავისებული აქვს ჩვენი როლი ეკონომიკის, ტურიზმის, საერთაშორისო რეპუტაციისა და საზოგადოებრივი კეთილდღეობის მშენებლობაში, ამ სფეროში დასაქმებულ ადამიანთა მძიმე ყოფა და ამიტომ სახელმწიფო, როგორც კეთილმოსურნე იმუშავებს აღნიშნული კრიზისის დასაძლევად, ზემოთ წარმოდგენილი მოთხოვნების შესაბამისად“, – აღნიშნულია დახურული კლუბებისა და ბარების წარმომადგენლების განცხადებაში.

მეკითხებოდნენ, ვირუსი რა, ღამით დადისო? ხომ გამოჩნდა, რომ თურმე ღამით დადიოდა? - პაატა იმნაძე

23 ივლისი, 2021 , 18:55

მეკითხებოდნენ - „ვირუსი რა, ღამით დადის?“. ხომ გამოჩნდა, რომ თურმე ღამით დადიოდა? - ამის შესახებ დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ განაცხადა. მან პანდემიის დროს არსებუ

1 აშშ დოლარის ოფიციალური ღირებულება 3.1000 ლარი გახდა

23 ივლისი, 2021 , 17:16

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულებამ 3.1000 ლარი შეადგინა. კურსი, რომელიც დღეს მოქმედებდა, 3.1191 ლარი იყო. შესაბამისად, დოლარის ცვლილებამ ეროვნუ

COVID-19-ის საწინააღმდეგო ვაქცინაციის პროგრამით მოსარგებლეთა სია გაფართოვდა

23 ივლისი, 2021 , 16:57

COVID-19-ის საწინააღმდეგო ვაქცინაციის პროგრამით მოსარგებლეთა სია გაფართოვდა. ამის შესახებ ინფორმაციას ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო ავრცელებს. მათი ცნობით, COVI

შემოსავლების სამსახურის ინიციატივით, მალფუჭებად ტვირთებზე ინფორმაციის ელექტრონული გაცვლის ახალი სისტემა დაინერგა

23 ივლისი, 2021 , 16:15

ფინანსთა სამინისტროს შემოსავლების სამსახურის ინიციატივით, მალფუჭებად ტვირთებზე ინფორმაციის ელექტრონული გაცვლის ახალი სისტემა დაინერგა. როგორც შემოსავლების სამსახურში განმარტავენ, ეს საქართველოს შინაგან საქმეთა სამინისტოს

პრემიერ-მინისტრმა შესაბამის უწყებებს ვაქცინებზე ხელმისაწვდომობის გაფართოებისთვის აუცილებელი ღონისძიებების მოკლე ვადებში გატარება დაავალა

23 ივლისი, 2021 , 15:55

იმუნიზაციის პროცესის მიმდინარეობასა და ვაქცინებზე ხელმისაწვდომობის გაფართოების აუცილებლობაზე იმსჯელეს უწყებათაშორისი საკოორდინაციო საბჭოს სხდომაზე, რომელიც პრემიერ-მინისტრ ირაკლი ღარიბაშვილის ხელმძღვანელობ

დამსაქმებლებმა უნდა უზრუნველყონ, თანამშრომლებს აცრის შემდეგ მისცენ ერთი ან ორი გამოსასვლელი დღე - ამირან გამყრელიძე

23 ივლისი, 2021 , 15:44

დამსაქმებლებმა უნდა უზრუნველყონ, რომ თანამშრომლებს აცრის შემდეგ მისცენ ერთი ან ორი გამოსასვლელი დღე, – ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ უწყებათაშორისი საკოორდინაც

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი