საზოგადოება
გადაცემების დახურვა არ იგეგმება - ვასილ მაღლაფერიძე
საზოგადოებრივი მაუწყებლის გენერალურმა დირექტორმა ვასილ მაღლაფერიძემ „მოამბესთან“ პირველი კომენტარი გააკეთა არხზე დაგეგმილი რეორგანიზაციის შესახებ.
მაღლაფერიძის თქმით, საზოგადოებრივ-პოლიტიკური ტოქშოუების დახურვა არ იგეგმება და დეტალებს საზოგადოებას ორშაბათს დაგეგმილ პრესკონფერენციაზე გააცნობს.
„არაფერი მსგავსი არ იგეგმება.აღმასრულებელი საბჭო, დირექტორები, წარმოვადგენთ ჩვენს ხედვას საზოგადოებრივი მაუწყებლის განვითარების შესახებ და წარმოვადგენთ ამას საზოგადოების წინაშე, რომ საზოგადოებამ ზუსტად იცოდეს სურათი და რა ვითარებაა ტელევიზიაში. და ტელევიზიაში არასახარბიელო ვითარებაა. ჩვენ გვინდა , რომ მთლიანად საზოგადოების სამსჯელო გახდეს, დისკუსიის საგანი გახდეს და არ იყოს მხოლოდ ერთი მცირე ჯგუფის სამფლობელო და მხოლოდ მისი განსასჯელი. აი, ეს იქნება ორშაბათს,“- განაცხადა მაღლაფერიძემ „მოამბესთან“ საუბრისას.
შეგახსენებთ, რომ გუშინ კოალიციამ „მედიის ადვოკატირებისთვის“ გაავრცელა ინფორმაცია, რომ საზოგადოებრივ მაუწყებელზე საზოგადოებრივ-პოლიტიკური ტოქშოუების დახურვა და მასობრივი გათავისუფლება იგეგმება.
ანა მებურიშვილი