უახლესი ამბები
არქივი
პოლიტიკა
გაძლევთ პირობას, მურუსიძის სინდრომს ჩვენ გავაქრობთ - პაატა ბურჭულაძემ სანდრო გირგვლიანის მამას მიმართა
,,სახელმწიფო ხალხისთვის” ლიდერმა, პაატა ბურჭულაძე მოძრაობის დამფუძნებელ ყრილობაზე დარბაზში მყოფ სანდრო გირგვლიანის მამას მიმართა.
როგორც ბურჭულაძემ აღნიშნა, ,,ქართული ოცნება’’ სანდრო გირგვლიანის სახელის გამოყენებით მოვიდა ხელისუფლებაში.
”სახელმწიფო ხალხისთვის” ლიდერმა პირობა დადო, რომ ქვეყნის სათავეში მოსვლის შემთხვევაში მისი მოძრაობა სასამართლოს დამოუკიდებლობას უზრუნველყოფს.
,,ბატონო გურამ, მე გაძლევთ პირობას, მურუსიძის სინდრომს ჩვენ გავაქრობთ. გავაქრობთ კანონიერად! მე გაძლევთ პირობას, რომ თქვენ არასოდეს ინანებთ, რომ დღეს აქ ზიხართ და მე ვაძლევ პირობას ყველა იმ ადამიანს, რომელსაც დაპირდნენ სამართლის აღდგენას, თუმცა მათი სამართალი დღემდე არ აღმდგარა. ჩვენ ვიყავით პირველები, ვინც გავაპროტესტეთ მურუსიძის დანიშვნა. თავიდანვე ავტეხეთ განგაში, რადგან ცხადი იყო, რომ გირგვლიანის საქმის მოსამართლე მურუსიძით ბრუნდებოდა ”ნაციონალური მოძრაობა” ”ქართული ოცნების” სახით. შედეგიც უკვე სახეზეა - მურუსიძისეული გადაწყვეტილებები, გნებავთ „რუსთავი-2“-ზე და გნებავთ ე.წ კაბელების საქმეზე, პოლიტიზებული სასამართლო, რომელიც ხელისუფლების დაკვეთას ასრულებს, ზუსტად ისე, როგორც ასრულებდა წინა ხელისუფლების დროს”, - აღნიშნა პაატა ბურჭულაძემ.
ნინო ექვთიმიშვილი