მსოფლიო
გაერო ჯადოსნური გზით სირიის პრობლემას ვერ მიოაგვარებს - გაეროს გენერალური მდივანი
გაეროს გენერალური მდივნის, ანტონიუ გუტერეშმა განაცხადა, რომ გაეროს არ შეუძლია სირიის კონფლიქტის მოგვარება. ამის შესახებ მან შვედურ SVT-სთან ინტერვიუში თქვა.
„სირიაში მოქმედებს რამდენიმე ჯარი და ქვედანაყოფი მთელი მსოფლიოდან. სხვადასხვა ინტერესი ეჯახება ერთმანეთს. მიმდინარეობს ცივი ომი. ამიტომ გულუბრყვილობაა იმაზე ფიქრი, რომ გაერო ჯადოსნური გზით ამ ყველა პრობლემას მოაგვარებს, განსაკუთრებით მაშინ, როცა უშიშროების საბჭო ამდენად ფრაგმენტულია“, -თქვა გუტერეშმა.
გაეროს გენერალური მდივნის თქმით, ცივი ომი დაბრუნდა, თუმცა განსხვავებული სახით. მისი განმარტებით, სიტუაციას მხოლოდ აშშ და რუსეთი აღარ აკონტროლებენ. მან დაამატა, რომ თურქეთი, ირანი, საუდის არაბეთი და სხვა ძალები კონტროლს არ ექვემდებარებიან.
ვრცელდებოდა ინფორმაცია, რომ შვედეთის სამხრეთში გაეროს უშიშროების საბჭოს სხდომა გაიმართა, სადაც განიხილეს სირიაში შექმნილი სიტუაცია. გუტერეშის თქმით, მათ მიიღეს „რამდენიმე პერსპექტიული გადაწყვეტილება“.
„გადავწყვიტეთ, ერთად ვიმუშავოთ, რათა მოვახერხოთ ამ ჩიხიდან გამოსვლა, რომელსაც შევეჩეხეთ სირიაში განხორციელებული ქიმიური თავდასხმების პასუხისმგებლობასთან დაკავშირებით“, - აღნიშნა გაეროს გენერალურმა მდივანმა.