უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
არქივი
საზოგადოება
„„გაერთიანებულ ოპოზიციის“ სამი წარმომადგენელი ობსტრუქციის მოწყობას შეეცადა - „თავისუფალი საქართველოს“ ლიდერები ათენში ქართულ დიასპორას ხვდებიან
პარტია „თავისუფალი საქართველოს“ ლიდერები კახა კუკავა და გოგი წულაია, ათენში ქართულ დიასპორას ხვდებიან. ამის შესახებ „მედიანიუსს“ პარტია „თავისუფალი საქართველოდან“ აცნობეს.
მათივე ინფორმაციით, კულტურის ცენტრ „კავკასიაში“ გამართულ შეხვედრაზე, პარტიის ლიდერმა კახა კუკავამ ისაუბრა როგორც საქართველოს საშინაო პოლიტიკურ საკითხებზე, აგრეთვე საზღვარგარეთ მცხოვრები ჩვენი მოქალაქეებისთვის მნიშვნელოვან სხვადასხვა პრობლემებზე.
„დიასპორის წარმომადგენლებმა დააყენეს საკითხები, რომელიც უკავშირდება დაწყებით განათლებას, პროფესიულ მომზადებას, სამედიცინო სერვისებს, საპენსიო სქემაში ჩართვის შესაძლებლობებს და სხვა.
„თავისუფალი საქართველოს“ ლიდერები, საქართველოში დაბრუნებისთანავე, მთავრობის კომპეტენტურ წარმომადგენლებს შეხვდებიან და ზემოთ აღნიშნული საკითხების გადაჭრის კონკრეტულ გზას უახლოეს ერთ თვეში გამოაქვეყნებენ.
აღსანიშნავია, რომ შეხვედრის ჩაშლის მიზნით, რამდენიმე დღის განმავლობაში მიმდინარეობდა „ნაციონალური მოძრაობის“ ადგილობრივი აქტივის მობილიზაცია, თუმცა „გაერთიანებულ ოპოზიციას“ სულ სამი ადამიანი წარმოადგენდა (ბაჩანაშვილი, სამხარაძე, ყრუაშვილი), რომლებიც ობსტრუქციის მოწყობას შეეცადნენ, მაგრამ დამსწრე საზოგადოების პროტესტის შემდგომ, იძულებულები გახდნენ დარბაზი დაეტოვებინათ.
გარდა ამისა, ათენის ქართულმა დიასპორამ „თავისუფალ საქართველოს“ იაფი მედიკამენტების პროგრამის რეალიზაციაში მხარდაჭერა აღუთქვა, გაიმართა შეხვედრა სხვადასხვა ბერძნული სააფთიაქო კომპანიის წარმომადგენლებთან.
საჯარო შეხვედრის პარალელურად, „თავისუფალი საქართველოს“ ლიდერები ყოველდღიურ რეჟიმში ესწრებიან ღონისძიებებს ათენის კულტურის სახლში, საკვირაო სკოლაში და სხვა დაწესებულებებში“, - აღნიშნულია ინფორმაციაში.