საზოგადოება

გაიმართა საღამო-კონცერტი `რუსთველის ეპოქა ერტმიტაჟში`

2016 წელი შოთა რუსთაველის საიუბილეო წელია.

დიდი ქართველი პოეტის 850 წლის იუბილესთან დაკავშირებით UNESCO-მ 2016 წელი შოთა რუსთაველის წლად გამოაცხადა საქართველოში.

ამ საიუბილეო თარიღს "ერმიტაჟმა" მიუძღვნა საგანგებო ფესტივალი, "რუსთაველის ეპოქა ერმიტაჟში", რომელიც 13 ნოემბერს ერმიტაჟის თეატრში გაიმართა.

საღამო გახსნა მისასალმებელი სიტყვით, მ. ბ. პიოტროვსკიმ, სახელმწიფო ერმიტაჟის გენერალურმა დირექტორმა. შემდეგ განხორციელდა ტელეჩართვა თბილისიდან, კორნელი კეკელიძის სახელობის ხელნაწერთა ეროვნული ცენტრიდან. შეკრებილ საზოგადოებას მიმართა ხელნაწერთა ცენტრის დირექტორმა ზაზა აბაშიძემ. ასევე უძველესი ხელნაწერები წარმოადგინეს ცენტრის თანამშრომლებმა. რუსთაველის ეპოქის ძეგლების შესახებ ისაუბრა ერმიტაჟის თანამშრომელმა, იაროსლავა ბილინკინამ.
ბოლოს კი საღამო დასრულდა კონცერტით, რომელიც გამართა თბილისიდან მიწვეულმა მგალობელ-მომღერალთა გუნდმა "დიდგორი". ანსამბლმა შეკრებილ საზოგადოებას წარუდგინა ამ საიუბილეო დღისადმი მომზადებული კონცერტი "მე რუსთველი", რომელმაც დიდი წარმატებით ჩაიარა და აღაფრთოვანა შეკრებილი საზოგადოება. შესრულდა ქართული ხალხური სიმღერები და ტრადიციული საეკლესიო საგალობლები. აღსანიშნავია, რომ კონცერტზე შესრულდა ხალხური სიმღერები რომლებშიც გამოყენებულია ფრაგმენტები "ვეფხისტყაოსნიდან".

საღამოს ერმიტაჟის თეატრში დაესწრო სპეციალისტები, პოეზიის მოყვარულები და ქართული კულტურის გულშემატკივრები, ასევე ადამიანები რომლებმაც შეიძლება არაფერი იცოდნენ გენიალური "ვეფხისტყაოსანის" შესახებ. ამ საღამომ მოგვცა საშუალება არა მხოლოდ გვეგრძნო თავი რუსთაველის ეპოქაში, არამედ იქცა მაგალითად კულტურული და სამეცნიერო ურთიერთობების გაუმჯობესების. - წერს ეტმიტაჟის ოფიციალური ვებ გვერდი