უახლესი ამბები
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
პოლიტიკა
გამარჯვების ფორმულა არის დიდ საარჩევნო ბლოკსა და კოალიციაში - ნიკა მაჭუტაძე
“გამარჯვების ფორმულა არის დიდ საარჩევნო ბლოკსა და კოალიციაში. ვთვლი, რომ გიორგი ვაშაძის მიერ წამოყენებული გამარჯვების ფორმულა არის მცდარი“, – ამის შესახებ მოძრაობა „სახელმწიფო ხალხისთვის“ ერთ-ერთმა ლიდერმა, ნიკა მაჭუტაძემ განაცხადა.
მისივე თქმით, მიმდინარეობს მოლაპარაკებები, რომ კოალიცია „ძალა ერთობაშია“ საარჩევნო ბლოკად გადაკეთდეს.
“გამარჯვების ფორმულად ჩვენთვის, პასუხისმგებლიანი ოპოზიციისთვის, რჩება ერთიანობა და დიდი კოალიცია სუბიექტების. აბსოლუტური უმრავლესობა რჩება კოალიციაში - „ძალა ერთობაშია“, მიმდინარეობს აქტიური მოლაპარაკებები, რომ კოალიცია გადაკეთდეს საარჩევნო ბლოკად და ასე გავიდეთ არჩევნებზე. ეს ასე იქნება, ცალსახად.
ყველა სუბიექტი ერთგულები ვართ იმ ხელშეკრულების და სადამფუძნებლო დოკუმენტებისა, რომელიც „ძალა ერთობაშიას“ აქვს.
გიორგი ვაშაძის დღევანდელ საუბარს რომ მოვუსმინე, ის საუბრობდა გამარჯვების იმ ფორმულაზე, რომელიც თითქოს მრავალფეროვნებაა პროპორციულ ნაწილში. არადა, ჩვენ ძალიან მკაფიოდ დავინახეთ გამარჯვებისა და წარმატების მოდელიც, რომელიც წარმოშვა გაერთიანებულმა ოპოზიციამ საპრეზიდენტო არჩევნების დროს. ბოლო 30 წლის განმავლობაში, თუ რომელიმე ხელისუფლება გამოცვლილა, ყველა გამოცვლილა დიდი ოპოზიციური ბლოკისა და კოალიციის მეშვეობით. გავიხსენოთ უახლესი ისტორია, თუნდაც 2012 წელი.
ჩვენი ბლოკის ყველა წევრი ფიქრობს, რომ გამარჯვების ფორმულა არის დიდ საარჩევნო ბლოკსა და კოალიციაში. ვთვლი, რომ გიორგი ვაშაძის მიერ წამოყენებული გამარჯვების ფორმულა არის მცდარი“,- განაცხადა მაჭუტაძემ.
„ახალი საქართველოს“ ლიდერმა, გიორგი ვაშაძემ და „კანონი და სამართალის“ დამფუძნებელმა, თაკო ჩარკვიანმა გაერთიანება „ძალა ერთობაშია“ დატოვს და ახალი პლატფორმა, „სტრატეგია აღმაშენებელი“ შექმნეს.