კომენტარი

გამოძიება უნდა დაიწყოს და რაც შეიძლება მალე დადგინდეს ყველაფერი - გიორგი გახარია ტელეკომპანია „იბერიას“ და „ომეგა ჯგუფის“ სკანდალზე

შს მინისტრი გიორგი გახარია ტელეკომპანია „იბერიასთან“ და „ომეგა ჯგუფთან“ დაკავშირებით გავრცელებულ სკანდალურ ფარულ ჩანაწერებს გამოეხმაურა და სწრაფი გამოძიების აუცილებლობაზე გაამახვილა ყურადღება.

"როგორც კი ჩნდება გარკვეული კითხვის ნიშნები, განსაკუთრებით იმ ადამიანთან, რომელიც იყო ან არის ჩინოვნიკი, გამოძიება უნდა დაიწყოს და რაც შეიძლება მალე დადგინდეს ყველაფერი", - განაცხადა გიორგი გახარიამ.

შეგახსენებთ, რომ „კურიერმა“ „იბერიას“ საქმეზე ფარული ჩანაწერები გააავრცელა. ჩანაწერების მიხედვით, სავარაუდოდ, ლევან ყიფიანი და „ომეგა ჯგუფის“ მფლობელი ზაზა ოქუაშვილი საუბრობენ. აუდიოჩანაწერში საუბარია ტელეკომპანიის დათმობაზე და ასევე სამ მილიონზე, რომლიდანაც ნაწილი ბიუჯეტში უნდა შეიტანონ, ნაწილი კი კონტრიბუციის სახით უნდა გადაიხადოს „ომეგა ჯგუფმა“. აღნიშნული ჩანაწერების გარდა, „რუსთავი2“-მა გუშინ კიდევ ერთი ფარული ჩანაწერი გაავრცელა, რომელშიც სავარაუდოდ, „ომეგა ჯგუფის“ წილების გადანაწილებაზე იყო საუბარი.