უკან

უახლესი ამბები

დღის კალენდარი

ანონსები

არქივი

საზოგადოება

11 სექტემბერი, 2017 16:50
font-size

გამოიძიეთ სამოქალაქო აქტივისტ სამირა ბაირამოვის მიმართ საჯარო საქმიანობის ხელშეშლის ფაქტები - EMC-ის მიმართვა შსს-ს

არასამთავრობო ორგანიზაცია ადამიანის უფლებების სწავლებისა და მონიტორინგის ცენტრი (EMC) მოუწოდებს შინაგან საქმეთა სამინისტროს, გამოიძიოს სამოქალაქო აქტივისტ სამირა ბაირამოვას მიმართ გამოვლენილი კანონდარღვევები. კერძოდ, საუბარია საჯარო საქმიანობის ხელშეშლაზე, რომელიც სექსისტურ-სტერეოტიპული წარმოდგენებითაა განსაზღვრული.

EMC ასევე მიმართავს ქვემო ქართლის სახელისუფლებო ორგანოებს, რომ მათ დაუჭირონ მხარი ქალთა პოლიტიკური ჩართულობის გაზრდის აუცილებლობას.

“მედიანიუსი” EMC-ის განცხადებას უცვლელად გთავაზობთ:

„ადამიანის უფლებების სწავლებისა და მონიტორინგის ცენტრი (EMC) სამოქალაქო აქტივისტის სამირა ბაირამოვასთვის, გენდერული შეუწყნარებლობის მოტივით, საჯარო საქმიანობის განხორციელების დროს უკანონო ხელშეშლის ფაქტებთან დაკავშირებით შინაგან საქმეთა სამინისტროს მიმართავს და ადეკვატურ სამართლებრივ რეაგირებას სთხოვს.

სამირა ბაირამოვა წლების განმავლობაში აქტიურ საჯარო საქმიანობას ეწევა და ქვემო ქართლის რეგიონში ქალთა სოციალური და პოლიტიკური გაძლიერებისთვის მუშაობს. ბოლო პერიოდში ის „ჟურნალისტთა ქსელი გენდერული თანასწორობისათვის“ პლატფორმის წევრია და პროექტის ,,ქალების ხმა იგებს არჩევნებს“ ფარგლებში მარნეულის მუნიციპალიტეტის სოფლებში საინფორმაციო შეხვედრებს ატარებს. შეხვედრების მიზანი ეთნიკურად აზერბაიჯანელი ქალების სოციალური და უფლებრივი გამოწვევების იდენტიფიცირება და მათი პოლიტიკური ჩართულობისა და მობილიზაციის ხელშეწყობაა. სამირა ბაირამოვას მიერ ერთ-ერთ სოფელში მსგავსი შეხვედრის „ფეისბუქგვერდით“ ტრანსლაციის დროს, არაიდენტიფიცირებადმა ,,ფეისბუქმომხმარებელმა“ სოციალურ ქსელში ს. ბაირამოვას ფოტოსურათი შეურაცხმყოფელი და ქალის საჯარო საქმიანობის შემზღუდავი, სტერეოტიპული შინაარსის ტექსტით ატვირთა და მოსახლეობას მოუწოდა, ს. ბაირამოვა მარნეულის მუნიციპალიტეტის სოფლებში აღარ შეეშვათ. მითითებულ მოწოდებას ასევე სხვა არაიდენტიფიცირებადი ფეისბუქმომხმარებლის შეურაცხმყოფელი კომენტარები მოჰყვა. აღნიშნული ,,ფეისბუქპოსტის’“ შემდგომ, მარნეულის სხვა სოფლებში გამართული საინფორმაციო შეხვედრების დროს, სამირა ბაირამოვამ და მისმა თანამშრომლებმა უცხო პირების მხრიდან მათდამი კონტროლისა და თვალთვალის შემთხვევები დააფიქსირეს.

EMC მიიჩნევს, რომ სამირა ბაირამოვას მიმართ იკვეთება ინფორმაციის გავრცელებაში უკანონო ხელშეშლა, რომელიც საქართველოს სისხლის სამართლის კოდექსის 153-ე მუხლით (სიტყვის თავისუფლების ხელყოფა) გათვალისწინებულ დანაშაულს შეადგენს. აგრეთვე, აღსანიშნავია, რომ სამირა ბაირამოვასთვის საჯარო საქმიანობის შეზღუდვა ღიად უკავშირდება იმ გარემოებას, რომ ის ქალია, რაც სსკ-ის 531-ე მუხლის შესაბამისად, სისხლისსამართლებრივი პასუხისმგებლობის დამამძიმებელ გარემოებას წარმოადგენს.

აღსანიშნავია, რომ წინა პერიოდში მარნეულში აქტიური საჯარო ქალების მიმართ დაფიქსირდა საჯარო აქტივიზმის ხელშეშლის სხვა მცდელობები. ცხადია, ამგვარი ქმედებები მნიშვნელოვნად ართულებს რეგიონში ქალთა პრობლემებზე საჯარო დისკუსიების შესაძლებლობასა და ამ პროცესებში ქალთა აქტიურ მონაწილეობას. მსგავს შემთხვევებზე სამართალდამცავი ორგანოების, ისევე როგორც ადგილობრივი ხელისუფლების ორგანოების არაეფექტიანი და არასენსიტიური რეაგირება გამყინავ ეფექტს იქონიებს სხვა ქალების საჯარო გამოხატვასა და აქტივიზმზე.

ზოგადად უნდა აღინიშნოს, რომ ადგილობრივი აქტივისტების განცხადებით, ქვემო ქართლის რეგიონში საჯარო აქტივისტური საქმიანობა უსაფრხოების სამსახურების ინტენსიურ კონტროლს ექვემდებრება, რაც არსებითად ხელს უშლის ადგილობრივ საზოგადოებაში დემოკრატიული და ემანსიპატორული პროცესების დაწყებას. ამ პირობებში ცხადია, რომ ქალთა აქტივიზმისა და თვითორგანიზების პროცესი ეკონომიკურად დაუცველ და მკვეთრად პატრიარქალურ საზოგადოებაში, სადაც სამეურნეო და საშინაო შრომის მნიშვნელოვან ნაწილს სწორედ ქალები წევენ, კიდევ უფრო მეტ წინააღმდეგობას განიცდის გაბატონებული პოლიტიკური და კულტურული/სიმბოლური სისტემების მიერ.

შესაბამისად, EMC მოუწოდებს შინაგან საქმეთა სამინისტროს, გამოიძიოს სამირა ბაირამოვას მიმართ გამოვლენილი უკანონო ქმედებები, მოახდინოს შესაბამისი პირების იდენტიფიცირება და განახორციელოს ადეკვატური სამართლებრივი რეაგირება საქმეზე. აღნიშნულ საქმეზე სათანადო რეაგირებას მნიშვნელოვანი ეფექტი იქნება სხვა მსგავს შემთხვევების პრევენციისთვის.

ამასთან არსებითია ადგილობრივი ხელისუფლების ორგანოებმა საკუთარი საჯარო განცხადებებსა და პოლიტიკაში ხაზი გაუსვან ქალთა უფლებებისა და პოლიტიკური მონაწილეობის მნიშვნელობას და განსაკუთრებით წინასაარჩევნო პროცესში გამოხატულად აჩვნენონ პატივისცემა ქალთა თანასოწორობისა და პოლიტიკური მონაწილეობის იდეების მიმართ“, - ნათქვამია განცხადებაში.

ანა მებურიშვილი

როდესაც დადგება საჭიროება, მიხეილ სააკაშვილის ჰოსპიტალიზაცია სპეციალური პენიტენციური სამსახურის მე-18 სამკურნალო დაწესებულებაში მოხდება - რატი ბრეგაძე

20 ოქტომბერი, 2021 , 22:58

იუსტიციის მინისტრ რატი ბრეგაძის განცხადებით, საჭიროების შემთხვევაში მსჯავრდებულ/ბრალდებულ მიხეილ სააკაშვილის ჰოსპიტალიზაცია სპეციალური პენიტენციური სამსახურის მე-18 სამკურნალო დაწესებულებაში იგეგმება. მისივე თქმით, სამკუ

1 აშშ დოლარის ოფიციალური ღირებულება 3.1411 ლარი გახდა

20 ოქტომბერი, 2021 , 18:12

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულებამ 3.1411 ლარი შეადგინა. კურსი, რომელიც დღეს მოქმედებდა, 3.1369 ლარი იყო. შესაბამისად, დოლარის ცვლილებამ ეროვნუ

ვშიმშილობ მხოლოდ მე ერთადერთი მოთხოვნით, შეწყდეს მართლმსაჯულების უსამართლო პოლიტიკური დევნისთვის გამოყენება - მიხეილ სააკაშვილი

20 ოქტომბერი, 2021 , 13:09

მინდა, ბოლომდე შემრჩეს საღი აზრი და შრომისუნარიანობა, ამიტომ თანახმა ვარ ექიმების მხრიდან მედიკამენტოზურ ჩარევაზე, რომელიც სწორედ დამეხმარება გონზე ყოფნაში, – ამის შესახებ მესამე პრეზიდენტი მიხეილ სააკაშვილის წერილ

საქართველოში მიწისძვრა მოხდა

20 ოქტომბერი, 2021 , 13:03

საქართველოში მიწისძვრა მოხდა. ბიძგები თბილისის დროით 12:32 საათზე დაფიქსირდა. სეისმური მონიტორინგის ეროვნული ცენტრის მონაცემებით, ეპიცენტრი დმანისიდან სამხრეთ-დასავლეთით 25 კილომეტრში, სოფელ სამებასთან იყო. მიწისძვრის სი

2022 წლიდან ოჯახები თბილისში, რომელთაც უსახლკაროს სტატუსი აქვთ მინიჭებული, საცხოვრებელი ფართებით დაკმაყოფილდებიან - კახა კალაძე

20 ოქტომბერი, 2021 , 12:39

2022 წლიდან ოჯახები, რომელთაც უსახლკაროს სტატუსი აქვთ მინიჭებული, საცხოვრებელი ფართებით დაკმაყოფილდებიან, – ამის შესახებ დედაქალაქის მერმა, კახა კალაძემ თბილისის მთავრობის სხდომაზე განაცხადა. როგორც კახა კალაძემ აღ

პროგნოზი არ არის საიმედო - ამირან გამყრელიძე

20 ოქტომბერი, 2021 , 12:31

დაავადებათა კონტროლის ეროვნული ცენტრის ხელმძღვანელმა ამირან გამყრელიძემ საკოორდინაციო საბჭოს დასრულების შემდეგ ბრიფინგზე კორონავირუსის საწინააღმდეგო ვაქცინაციის აუცილებლობაზე კიდევ ერთხელ ისაუბრა. მისი თქმით, დღესდღეობით

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი