საზოგადოება

გამოკითხულთა 33%-ს კეთილმოწყობასთან დაკავშირებული საკითხებიდან ყველაზე მეტად გზები აწუხებს - NDI

ეროვნულ-დემოკრატიული ინსტიტუტის (NDI-ის) უახლესი კვლევის თანახმად, გამოკითხულთა 33%-ს კეთილმოწყობასთან დაკავშირებული საკითხებიდან ყველაზე მეტად აწუხებს გზები.

გამოკითხულთა 23%-სთვის პრობლემურ საკითხს წარმოადგენს გარემოს დაბინძურება, ხოლო 22%-სთვის - წყლით მომარაგება.

პრობლემურ საკითხებს შორის დასახელდა საზოგადოებრივი ტრანსპორტი, საგზაო მოძრაობა, ქუჩების სისუფთავე, კანალიზაცია და ასევე გამწვანება.

რაც შეეხება თბილისს, დედაქალაქში ყველაზე მნიშვნელოვან პრობლემად, ისევე, როგორც 2015 წელს, დასახელდა გარემოს დაბინძურება. კვლევის თანახმად, გაზრდილია საგზაო მოძრაობის, პარკირების, პარკებისა და გამწვანების მაჩვენებლები.

UK aid-ის ფინანსური ხელშეწყობით კვლევა NDI-ის დაკვეთით CRRC საქართველომ ჩაატარა. წარმომადგენლობითი შერჩევით (ოკუპირებული ტერიტორიების გარდა) კვლევა 29 ნოემბრიდან 19 დეკემბრამდე პერიოდში ჩატარდა, პირისპირ ინტერვიუთი გამოიკითხა 2 298 ადამიანი (გამოპასუხება 48%). კვლევაში მონაწილე პირები შემთხვევითი შერჩევის მეთოდით შეირჩნენ, ცდომილება კი - 1,9 %-ია.