საზოგადოება

გამოკითხულთა 39%-ის აზრით, საქართველო არასწორი მიმართულებით ვითარდება - NDI

ეროვნულ-დემოკრატიული ინსტიტუტის (NDI-ის) უახლესი კვლევის თანახმად, გამოკითხულთა 39% ფიქრობს, რომ საქართველო არასწორი მიმართულებით ვითარდება, 32% კი ფიქრობს, რომ ქვეყანა საერთოდ არ იცვლება.

გამოკითხულთა მხოლოდ 26%-მა განაცხადა, რომ ქვეყანა სწორი მიმართულებით ვითარდება.

მოსახლეობის უკმაყოფილების ეს მაჩვენებელი ერთ-ერთი ყველაზე მაღალია 2009 წლის შემდეგ.

UK aid-ის ფინანსური ხელშეწყობით კვლევა NDI-ის დაკვეთით CRRC საქართველომ ჩაატარა. წარმომადგენლობითი შერჩევით (ოკუპირებული ტერიტორიების გარდა) კვლევა 29 ნოემბრიდან 19 დეკემბრამდე პერიოდში ჩატარდა, პირისპირ ინტერვიუთი გამოიკითხა 2 298 ადამიანი (გამოპასუხება 48%). კვლევაში მონაწილე პირები შემთხვევითი შერჩევის მეთოდით შეირჩნენ, ცდომილება კი - 1,9 %-ია.