საზოგადოება

გამოკითხულთა 46%-ის აზრით, ნატოში გაწევრიანება ხელს შეუყწობს ქვეყნის ტერიტორიული მთლიანობის აღდგენას - NDI

ეროვნულ-დემოკრატიული ინსტიტუტის (NDI) კვლევის თანახმად, გამოკითხული მოსახლეობის 72%-ის აზრით, თუ საქართველო ნატოში გაწევრიანდება, რუსეთის მხრიდან აგრესია გაიზრდება. ამ მოსაზრებას არ ეთანხმება გამოკითხულთა 14%. 13% პასუხობს, რომ არ იცის.

გამოკითხულთა 72%-ის აზრით, თუ საქართველო ჩრდილოატლანტიკური ალიანსის წევრი გახდება, ეს ხელს შეუწყობს ქვეყანაში უცხოური სამხედრო ბაზების განთავსებას, რასაც გამოკითხულთა 10 % არ ეთანხმება, ხოლო 17% პასუხობს, რომ არ იცის.

გამოკითხულთა 46%-ის აზრით, თუ საქართველო ნატოს წევრი გახდება, ეს ხელს შეუყწობს ქვეყნის ტერიტორიული მთლიანობის აღდგენას. ამას არ იზიარებს გამოკითხულთა 31%, ხოლო 22% პასუხობს, რომ არ იცის.

გამოკითხულთა 45%-ის აზრით, ნატოში გაწევრიანებით საქართველოში მეტი სამუშაო ადგილი გაჩნდება. ამ მოსაზრებას არ იზიარებს გამოკითხულთა 34%, ხოლო 20% პასუხობს, რომ არ იცის.

კვლევის საველე სამუშაოები ჩატარდა 20 მარტი - 4 აპრილის პერიოდში, საქართველოს მასშტაბით (ოკუპირებული ტერიტორიების გამოკლებით), 2,194 პირისპირ ინტერვიუს წარმომადგელობითი შერჩევის საფუძველზე (გამოპასუხება 46%). კვლევა პირისპირ ინტერვიუს სახით ჩატარდა და მისი ცდომილება 2,2 პროცენტია.

კვლევა დიდი ბრიტანეთის მთავრობის UK aid-ის ფინანსური ხელშეწყობით ჩატარდა, საველე სამუშაოები კი CRRC-საქართველომ შეასრულა