უახლესი ამბები
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
გამოკითხულთა 58%-ის აზრით, სასამართლო სისტემა მმართველი პარტიის გავლენის ქვეშაა - კვლევა
გამოკითხულ მოქალაქეთა 36% ფიქრობს, რომ საჯარო მოხელეები თანამდებობას ბოროტად პირადი მიზნებისთვის იყენებენ, ხოლო 16%-ის აზრით, ასეთი რამ გავრცელებული არაა. გამოკითხვა „კავკასიის კვლევითი რესურსების ცენტრმა“ „საერთაშორისო გამჭვირვალობა - საქართველოს“ დაკვეთით განახორციელა.
კვლევა 2018 წლის 3-28 მარტის პერიოდში ჩატარდა და მთელი საქართველოს მასშტაბით 1843 ადამიანი გამოიკითხა. გამოკითხვის საშუალო ცდომილება 2,8%-ს შეადგენს.
კვლევა მოიცავდა კითხვებს კორუფციის, სახელმწიფო და საზოგადოებირივი ინსტიტუტებისადმი ნდობის, ხელისუფლების ძირითადი შტოებისა და ორგანოების მუშაობის, საჯარო პოლიტიკის მნიშვნელოვანი საკითხების, მედიისა და არასამთავრობო ორგანიზაციების საქმიანობის შესახებ.
გამოკითხვის შედეგად გამოვლინდა, რომ სახელმწიფო ინსტიტუტებს შორის გამოკითხული მოქალაქეები ყველაზე ნაკლებად ენდობიან პარლამენტსა და სასამართლოს, რომლებსაც სრულად ან მეტწილად ენდობა გამოკითხულთა მხოლოდ 17% და 20%.
გამოკითხულთა მხოლოდ 1%-მა განაცხადა, რომ ბოლო 12 თვის განმავლობაში მათ ან ოჯახის წევრებს სახელწმიფო მომსახურების სანაცვლოდ ქრთამი მოსთხოვეს.
გამოკითხულთა 58%-ის აზრით, სასამართლო სისტემა მმართველი პარტიის გავლენის ქვეშაა, ხოლო 51% ფიქრობს, რომ ის მიკერძოებულია. გარდა ამისა, გამოკითხულთა 80%-ის აზრით, სასამართლო სისტემაში არ უნდა მუშაობდნენ ის მოსამართლეები, რომლებიც წარსულში ზეწოლის შედეგად უსამართლო გადაწყვეტილებას იღებდნენ.
გამოკითხულთა 57% ფიქრობს, რომ პროკურატურა მმართველი პარტიის ინტერესებს ემსახურება, 55%-ის აზრით, მათ ემსახურება შინაგან საქმეთა სამინისტრო, ასევე 55%-ის შეფასებით - სახელწმიფო უსაფრთხოების სამსახური.
გამოკითხულთა მხოლოდ 30% ფლობს ზუსტ ინფორმაციას 2017 წელს განხორციელებული მთავრობის ოპტიმიზაციის შესახებ (მინისტრთა რაოდენობის ცვლილების შესახებ).
რესპოდენტთა 61%-ის აზრით, მინისტრთა რიცხვი კიდევ უნდა შემცირდეს.