საზოგადოება

გამოკითხულთა 71% მუშების გაფიცვას მხარს დაუჭერს მაშინაც კი, თუკი ის საზოგადოებრივი ტრანსპორტის მოძრაობას შეაჩერებს - NDI

ეროვნულ-დემოკრატიული ინსტიტუტის (NDI) მიერ ჩატარებული კვლევის თანახმად, გამოკითხულთა 71% მუშების გაფიცვას უსამართლო სამუშაო პირობების გასაპროტესებლად მხარს დაუჭერდა, მაშინაც კი, როდესაც გაფიცვა საჯარო მომსახურების, მაგალითად, საზოგადოებრივი ტრანსპორტის მოძრაობას შეაჩერებს.

მუშებს მხარს გამოკითხულთა 20% არ დაუჭერდა, ხოლო 8%-მა უპასუხა, არ ვიცი.

რესპოდენტებს მსგავსი კითხვა, დაუჭერდნენ თუ არა ისინი მუშების გაფიცვას მხარს უსამართლო სამუშაო პირობების გასაპროტესტებლად, კიდევ ერთხელ დაუსვეს, თუმცა ამ შემთხვევაში მასში არ იყო მითითებული , გამოიწვევდა თუ არა პროტესტი რომელიმე საჯარო მომსახურების შეზღუდვას. ასეთ ფორმულირებულ კითხვაზე გამოკითხულთა 79%-მა უპასუხა, რომ მუშებსი პროტესტს მხარს დაუჭერდა, 11%-მა პროცენტმა უარყოფითად უპასუხა, ხოლო 10%-მა თქვა, არ ვიცი.

კვლევის საველე სამუშაოები ჩატარდა 23 ივნისი-8 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) 2 409 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.

კვლევაში ცდომილების ზღვარი +/-1.9%-ია.