საზოგადოება

გამოკითხულთა მხოლოდ 13%-მა შეაფასა მთავრობის საქმიანობა კარგად - NDI

ეროვნულ-დემოკრატიული ინსტიტუტის (NDI-ის) უახლესი კვლევის თანახმად, გამოკითხულთა მხოლოდ 13%-მა შეაფასა მთავრობის საქმიანობა კარგად.

არსებული მთავრობის საქმიანობას გამოკითხულთა 53%-მა საშუალოდ შეაფასა, 32%- მა - ცუდად, 2%-მა განაცხადა, რომ არ იცის, ხოლო 1%-მა პასუხის გაცემაზე უარი განაცხადა.

მთავრობის საქმიანობა დადებითად მოსახლეობის ყველაზე ნაკლებმა წილმა (7%-მა) პატარა ქალაქებში შეაფასა, ყველაზე დიდმა წილმა (34%-მა) კი - უმცირესობით დასახლებულ რეგიონებში.

UK aid-ის ფინანსური ხელშეწყობით კვლევა NDI-ის დაკვეთით CRRC საქართველომ ჩაატარა. წარმომადგენლობითი შერჩევით (ოკუპირებული ტერიტორიების გარდა) კვლევა 29 ნოემბრიდან 19 დეკემბრამდე პერიოდში ჩატარდა, პირისპირ ინტერვიუთი გამოიკითხა 2 298 ადამიანი (გამოპასუხება 48%). კვლევაში მონაწილე პირები შემთხვევითი შერჩევის მეთოდით შეირჩნენ, ცდომილება კი - 1,9 %-ია.