პოლიტიკა

ჩვენი გზა მიდის არხანგელსკში ივანიშვილის რეჟიმთან ერთად, ამიტომ ჩვენ ეს რეჟიმი უნდა ჩამოვიცილოთ - შალვა ნათელაშვილი

ლეიბორისტული პარტიის ლიდერმა, შალვა ნათელაშვილმა ლიეტუვის, ლატვიის, ნორვეგიისა და ესტონეთის ელჩებს საქართველოში არსებულ პოლიტიკურ კრიზისსა და ღარიბაშვილის მთავრობის მხრიდან ოპოზიციურ პარტიებზე ზეწოლის ფაქტებზე მიაწოდა ინფორმაცია.

,,გაიმართა ძალიან საინტერესო და საჭირო საუბარი ევროპის თვალსაჩინო ქვეყნების ელჩებთან. ჩვენგან ხაზი გაესვა გარემოებას, რომ ივანიშვილის დასანქცირება უნდა მოხდეს რაც შეიძლება სწრაფად, რომ მან ვერ მოასწროს ლავირება და ამ რთული ხაფანგიდან თავის დაღწევა.

ასევე ხაზი გაესვა ივანიშვილის გარემოცვასთან დაკავშირებული ბერკეტების ამოქმედებას, კონკრეტულად, საკონსტიტუციო სასამართლოს 9 მოსამართლის დასანქცირებას, რომლებიც პრაქტკულად პოლიტიკურ პოლიციას, გესტაპოს ,წარმოადგენენ.

ჩვენი გზა მიდის არხანგელსკში ივანიშვილის რეჟიმთან ერთად, ამიტომ ჩვენ ეს რეჟიმი უნდა ჩამოვიცილოთ! ",- განაცხადა შეხვედრის დასრულების შემდეგ შალვა ნათელაშვილმა.