უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
საზოგადოება
განახლებული გენერალური გეგმით, რეკრეაციული ტერიტორიებისა და არასამშენებლო ტერიტორიების რაოდენობა ძალიან არის გაზრდილი - მაია ბითაძე
უკვე საფუძვლიანი ეჭვი გვაქვს, რომ ოპოზიციის წარმომადგენლებს არითმეტიკასთან აქვთ პრობლემა, რადგან ციფრები, რომლებიც მოცემულია განახლებული გენერალური გეგმის პროექტში, ნათლად ჩანს, რომ რეკრეაციული ტერიტორიებისა და არასამშენებლოტერიტორიების რაოდენობა თბილისის მასშტაბით ძალიან არის გაზრდილი, – განაცხადა თბილისის მერის მოადგილე, მაია ბითაძემ მიწათსარგებლობის გენერალურ გეგმასთან დაკავშირებით ოპოზიციის მიერ გამოთქმულ ბრალდებების პასუხად.
ოპოზიცია მიიჩნევს, რომ გენგეგმის მიხედვით, გამწვანებული ტერიტორიების რაოდენობა მცირდება.
ბითაძის განმარტებით, წარმოდგენილი დოკუმენტით რეკრეაციული და არასამშენებლოტერიტორიების რაოდენობა გაზრდილია და ექვსი მლნ. კვ.მ სამშენებლო ტერიტორიიდან გადაყვანილია არასამშენებლო ტერიტორიაში. ბითაძემ დიღმის ტყე-პარკი ამის მაგალითად მოიყვანა.
„მინდა, გამოვეხმაურო დიღმის ტყე-პარკის საკითხს და ხაზგასმით ვთქვა, რომ დიღმის ტყე-პარკის ტერიტორია 7 ჰა-მდე იზრდება და აქტიურად მიმდინარეობს მოლაპარაკება კერძო მესაკუთრეებთან ტერიტორიის გამოსყიდვასთან დაკავშირებით. სამწუხაროდ, როდესაც აპელირება ხდება 2006 წლის საკრებულოს გადაწყვეტილებაზე, ოპოზიციის წარმომადგენლებმა იმას უნდა გაუსვან ხაზი, რომ 2011 წელს სწორედ მათი ხელისუფლებაში ყოფნის დროს შეეცვალა იმ ტერიტორიას სტატუსი, სადაც დღეს „კია მოტორსის“ ცენტრია განთავსებული და აშენდა აბსოლუტურად შეუსაბამო ნაგებობა ტყე-პარკისთვის, გაიჩეხა ნარგავები.
ხოლო დღეს ამ ადგილას იგეგმება ორანჟერეასა და საგამოფენო ცენტრის მოწყობა, რომელიც აბსოლუტურად შეერწყმის იმ დიღმის ტყე-პარკის ეკოსისტემის ნაწილს, რომელიც 7 ჰა – ით არის გათვლილი. დოკუმენტი ცოცხალი დოკუმენტია და ჩვენ როდესაც წარმოვადგინეთ, იმას გაესვა ხაზი, რომ შეიძლება იყოს რაღაც უზუსტობები და ზუსტად იმიტომ მიმდინარეობს ამდენი განხილვა საკრებულოში, რომ იქ სადაც უზუსტობები იქნება აღმოჩენილი, აუცილებლად დაკორექტირდება, მაგრამ ერთმნიშვნელოვნად უკვე წარმოდგენილი დოკუმენტით რეკრეაციული და არა სამშენებლო ტერიტორიების რაოდენობა, ძალიან გაზრდილია, 6 მლნ კვმ სამშენებლო ტერიტორიიდან გადაყვანილია არასამშენებლო ტერიტორიაში“, – განაცხადა ბითაძემ.