მსოფლიო

განჯაში საცხოვრებელ სახლში მომხდარ აფეთქებას 3 ადამიანი ემსხვერპლა

აზერბაიჯანში, ქალაქ განჯაში 4-სართულიან საცხოვრებელ სახლში მომხდარი აფეთქების შედეგად 3 ადამიანი დაიღუპა. ნანგრევებიდან გამოყვანილი ერთი ადამიანის მდგომარეობა მძიმეა, ის საავადმყოფოში იმყოფება.

საგანგებო სიტუაციათა მინისტრის, კიამალედინ გეიდაროვის განცხადებით, სამძებრო სამუშაოები ამ დრომდე მიმდინარეობს.

„კინოლოგიური სამსახურის ძაღლების რეაქციის არქონის შემთხვევაში, ნანგრევებისგან გაწმენდითი სამუშაოები დაიწყება. მერე იქნება მიღებული გადაწყვეტილება შენობის შემდგომი ბედის შესახებ“, -განაცხადა მინისტრმა.

იმ ადამიანების გადასარჩენად, რომლებიც სავარაუდოდ, ნანგრევებში მოჰყვნენ, განჯაში ბაქოდან მაშველებისა და კინოლოგთა დამატებითი ჯგუფები ჩაიყვანეს.

მომხდარ ფაქტზე გამოძიება მიმდინარეობს. ვარაუდობენ, რომ აფეთქება გაზის გაჟონვამ გამოიწვია.