უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
არქივი
პოლიტიკა
განიხილება რამდენიმე სერიოზული კანდიდატი, რომელსაც აქვს შესაძლებლობა პირველივე ტურში მოიგოს საპრეზიდენტო არჩევნები - კახა კალაძე
თბილისის მერის, ,,ქართული ოცნების“ გენერალური მდივნის, კახა კალაძის განცხადებით, მმართველი პარტია საპრეზიდენტო არჩევნებისთვის რამდენიმე სერიოზულ კანდიდატს განიხილავს.
როგორც კალაძემ ჟურნალისტებს განუცხადა, „ქართული ოცნება“ არჩევნებთან დაკავშირებით გადაწყვეტილებას კანონით დადგენილ ვადებში მიიღებს.
“რაც შეეხება საპრეზიდენტო კანდიდატის დასახელებას, კანონით გათვალისწინებულ ვადებში ჩვენი მხრიდან გაჟღერდება გადაწყვეტილება, რომელსაც გუნდი მიიღებს. მსჯელობა მიმდინარეობს, განიხილება რამდენიმე სერიოზული კანდიდატი, რომელსაც აქვს შესაძლებლობა პირველივე ტურში მოიგოს არჩევნები“, - განაცხადა კალაძემ.
აქვე, ,,ქართული ოცნების“ გენერალური მდივანი საპრეზიდენტო არჩევნებში გიორგი მარგველაშვილის შესაძლო მონაწილეობასთან დაკავშირებით გუშინ გაკეთებულ განცხადებას გამოეხმაურა და აღნიშნა, რომ გიორგი მარგველაშვილს „თავის თავზე ზედმეტად დიდი წარმოდგენა აქვს“.
“ცოტა გასაოცარი იყო მისი განცხადებები, რომელიც გუშინ მოვისმინეთ. მე მგონია, რომ ზედმეტად დიდი წარმოდგენა აქვს თავის თავზე. ზოგადად, მოსახლეობა ძალიან კარგად აფასებს არსებულ მდგომარეობას და გადაწყვეტილებასაც მიიღებს. არჩევნები ყოველთვის გვაჩვენებს რეალურ სურათს, შესაბამისად, ყველა პოლიტიკოსს და ყველა პარტიას მოსახლეობა მიუჩენს თავის ადგილს“, - განაცხადა კახა კალაძემ.
ის ასევე გამოეხმაურა მარგველაშვილის განცხადებას, რომელმაც თქვა, რომ საპრეზიდენტო არჩევნებისთვის ჯერ თავის გადაწყვეტილებას არ გააჟღერებს.
“მადლობა გიორგის, რომ ზრუნავს პარტია „ქართულ ოცნებაზე“. ძალიან სასიამოვნოა ის დამოკიდებულება, რომელიც მას გააჩნია. არ ამბობს ჯერ თავის კანდიდატურას, რომ „ქართულმა ოცნებამ“ სერიოზული კანდიდატი წარმოადგინოს. ძალიან საინტერესოა, რომ მზრუნველი პრეზიდენტი გვყავს“, - აღნიშნა კალაძემ.
ნინო ექვთიმიშვილი