საზოგადოება
გარემოს დაცვის სამინისტროშო აშშ-ში საქართველოს ელჩთან შეხვედრა გაიმართა
გარემოსა და ბუნებრივი რესურსების დაცვის მინისტრი გიგლა აგულაშვილი საქართველოს ელჩს ამერიკის შეერთებულ შტატებში დავით ბაქრაძეს შეხვდა. მხარეებმა აშშ-თან არსებული და სამომავლო თანამშრომლობის გაძლიერების პერსპექტივაზე ისაუბრეს, - აცნობეს მედიანიუსს სამინისტროდან.
საქართველოში სამთომოპოვებითი სექტორის რეფორმის ხელშეწყობა, ბირთვული და რადიაციული უსაფრთხოების სფეროში თანამშრომლობა, კლიმატის ცვლილების შესახებ პარიზის შეთანხმებით ნაკისრი ვალდებულებების განხორციელების ხელშეწყობა, ნარჩენების მართვის სტრატეგიისა და სამოქმედო გეგმის განხორციელებაში თანამშრომლობა; მდგრადი განვითარების მიზნების იმპლემენტაციის ხელშეწყობა - ეს ის მიმართულებებია, რაშიც მხარეები მომავალშიც ითანამშრომლებენ.
ასევე გაგარძელდება თანამშრომლობა აშშ-სა და საქართველოს დაძმობილებულ ეროვნულ პარკებს (კოლხეთი - პოინტ რეი, კალიფორნია; თუშეთი - როკი მაუნთინს, კოლორადო და ვაშლოვანი - ბედლენდი, სამხრეთ დაკოტა) შორის.