უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
არქივი
პოლიტიკა
გასაანალიზებელი იქნება ჩვენი მხრიდან, ხომ არ უნდა გასაჩივრდეს მუსტაფა ემრე ჩაბუქისთვის დაკისრებული გირაო - თეა წულუკიანი
იუსტიციის მინისტრის, თეა წულუკიანის განცხადებით, უწყებაში გაანალიზებენ, იქნება თუ არა გასაჩივრებული დემირელის კოლეჯის ყოფილი მენეჯერისთვის, მუსტაფა ემრე ჩაბუქისთვის დაკისრებული 1000-ლარიანი გირაო, რომლის სანაცვლოდ ის პატიმრობიდან გაათავისუფლეს.
იუსტიციის მინისტრმა ასევე აღნიშნა, რომ გათავისუფლება არ გულისხმობს საექსტრადაციო პროცესის დასრულებას.
„ის, რომ გუშინ საკონსტიტუციო ვადის ცხრა თვის გასვლასთან დაკავშირებით ბატონი ჩაბუქი გათავისუფლდა სასამართლოს მიერ, რა თქმა უნდა, არ ნიშნავს იმას, რომ საექსტრადიციო პროცესი დასრულდა. ის უბრალოდ ციხის გარეთ დაელოდება ექსტრადიციის პროცედურების დასრულებას. მე როგორც ექსტრადიციის საკითხზე გადაწყვეტილების მიმღები პირი, ველოდები სასამართლო პროცესის დასრულებას.
რაც შეეხება გუშინდელ გადაწყვეტილებას, პატიმრობის შეცვლას გირაოთი, ვფიქრობ, რომ გირაოს თანხის ნაწილში არსებობის რისკი იმდენად დაბალია, რომ ბატონ ჩაბუქს გაუჩნდეს სურვილი, ექსტრადიციის დასრულებამდე დატოვოს ქვეყანა.
შესაბამისად, ალბათ, გასაანალიზებელი იქნება ჩვენი მხრიდან, ხომ არ უნდა გასაჩივრდეს გირაოს თანხის ნაწილში გუშინდელი გადაწყვეტილება“, – თქვა წულუკიანმა.
გუშინ თბილისის საქალაქო სასამართლოს მოსამართლემ დააკმაყოფილა პროკურორის შუამდგომლობა და გირაოს სანაცვლოდ მუსტაფა ემრე ჩაბუქი გაათავისუფლა, რომლის 9-თვიანი წინასწარი პატიმრობის ვადა 24 თებერვალს იწურებოდა.