პოლიტიკა

გასაგები გახდა, რატომ ვერ ხედავდა ნინო ლომჯარია არჩევნების გაყალბების ფაქტებს - ირმა ნადირაშვილი

ნაციონალური მოძრაობის წევრის ირმა ნადირაშვილის თქმით, გასაგები გახდა ის, თუ რატომ ვერ ხედავდა ”სამართლიანი არჩევნებისა და დემოკრატიის საერთაშორისო საზოგადოების"გენერალური დირექტორი ნინო ლომჯარია არჩევნების გაყალბების ფაქტებს.

ამის შესახებ ნადირაშვილმა ჟურნალისტებს ნინო ლომჯარიას სახელმწიფო აუდიტის გენერალური აუდიტორის მოადგილედ დანიშვნის საკითხის კომენტირებისას განაცხადა.

„ძალიან სამწუხაროა, როდესაც ირკვევა, რომ ერთ-ერთი ენჯეო-ს ლიდერი, რომლის ფუნქციაც არის მთავრობის საზოგადოებრივი კონტროლი, გვევლინება ამავე მთავრობის ერთ-ერთი მაღალი თანამდებობის პირად. გასაგები გახდა, თუ რატომ იყენებდა მთელი წინასაარჩევნო პერიოდი და არჩევნების შემდეგ, ლომჯარია დუმილის უფლებას და რატომ ვერ ხედავდა იმ ძალადობას და გაყალბების ფაქტებს, რომელსაც ადგილი ჰქონდა როგორც წინასაარჩევნოდ, უშუალოდ არჩევნების პერიოდში და არჩევნების შედგომ“,-აღნიშნა ნადირაშვილმა.

მონიკა დავლიანიძე