მსოფლიო

გატაცებული ლიბიური სამგზავრო თვითმფრინავიდან გამტაცებლებმა მგზავრების ნაწილი გაუშვეს

მალტას პრემიერ-მინისტრის, ჯოზეფ მუსკატის ინფორმაციით, გატაცებული ლიბიური Afriqiyah-ის სამგზავრო თვითმფრინავიდან გამტაცებლებმა მგზავრების პირველი ჯგუფი გაუშვეს.

საერთო ჯამში გატაცებული თვითმფრინავი ამ დროისათვის 65-მა მგზავრმა დატოვა. მგზავრების გათავისუფლების შესახებ ინფორმაციას მალტას პრემიერი ტვიტერზე აქვეყნებს.

როგორც ცნობილია, გამტაცებლებთან მოლაპარაკებებს სწორედ ჯოზეფ მუსკატი აწარმოებს.

სხვადსახვა მედიასაშუალებაში გავრცელებული ინფორმაციით, საუბარია ორ გამტაცებელზე, რომლებიც დაჯგუფება „ალ-ფათიჰ ალ-ჯადიდის“ წევრები არიან და ითხოვენ ციხიდან მუამარ კადაფის შვილის, სეიფ ალ-ისლამის გათავისუფლებას.

გატაცებული თვითმფრინავის ბორტზე სულ 118 ადამიანი იმყოფებოდა. ლაინერი, რომელიც ლიბიაში შიდა რეისს ასრულებდა, გატაცების შემდეგ მალტაში დაეშვა.

ნინო ექვთიმიშვილი