უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 12:41გენდერული კვოტირების გაუქმებას პრეზიდენტმა ვეტო დაადო და პარლამენტს უკვე მიმართა
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
პოლიტიკა
გავაკეთებ ყველაფერს, რომ საქართველომ არ დაკარგოს ის სიკეთეები, რომელიც მისთვის მოაქვს უვიზო რეჟიმს - რებეკა ჰარმსი
ევროპარლამენტარი რებეკა ჰარმსი გამოეხმაურა ინფორმაციას გერმანიის საზღვრიდან საქართველოს 19 მოქალაქის უკან გამობრუნების შესახებ, ასევე ჩრდილოეთ რაინვესტფალიის მთავრობის ინტეგრაციის მინისტრის, იოახიმ შტამპის ინიციატივას ქართველებისთვის უვიზო მიმოსვლის გაუქმებასთან დაკავშირებით.
ევროპარლამენტარის თქმით, გერმანიის ერთ-ერთი რეგიონის მინისტრის ინიციატივა მისთვის მოულოდნელი აღმოჩნდა და ის სიტუაციის გარკვევას შეეცდება. ჰარმსმა აღნიშნა, რომ ის ყველაფერს გააკეთებს, რათა საქართველომ უვიზო მიმოსვლის უფლება არ დაკარგოს.
„ჩემთვის სიურპრიზი იყო, როცა რაინვესტფალიამ ასეთი მოთხოვნა დააყენა, როგორც ჩანს გერმანიის ამ ნაწილში პრობლემა არსებობს. კონტაქტზე ვარ რაინვესტფალიის წარმომადგენელთან და აუცილებლად გავარკვევ, რა გახდა ამის საფუძველი. ამის შესახებ ვესაუბრე ქართველ კოლეგებსაც და ჩვენ გადავჭრით ამ პრობლემას, გავაკეთებ ყველაფერს, რომ საქართველომ არ დაკარგოს ის სიკეთეები, რომელიც მისთვის მოაქვს უვიზო რეჟიმს, რადგან უვიზო რეჟიმი არის ჩვენი ერთობლივი მიღწევა და ეს ეხმარება ადამიანებს, რომ დაუახლოვდნენ ერთმანეთს, საქართველო დაუახლოვდეს ევროპასა და განსაკუთრებით ჩემს ქვეყანას, გერმანიას.
ვფიქრობ ეს იყო წარმატება, რომელსაც მივაღწიეთ ასოცირების ხელშეკრულების ფარგლებში და ჩვენ ვიპოვით გამოსავალს და საქართველო არ დაკარგავს უვიზო რეჟიმს“, -თქვა ჰარმსმა.
ანა მებურიშვილი