უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
მსოფლიო
გავიმეორებ, რომ კედლის მშენებლობაზე თანხას არ გადავიხდით - მექსიკის პრეზიდენტი
მექსიკის ხელისუფლებამ ამერიკის პრეზიდენტის გადაწყვეტილება კედლის მშენებლობასთან დაკავშირებით დაგმო.
რიგმა მექსიკელმა პოლიტკოსმა ამერიკის წინააღმდეგ სასამართლოში სარჩელის შეტანის ინიციატივითაც კი, გამოვიდა.
ქვეყნის პრეზიდენტმა ენრიკე პენია ნიეტომ განაცხადა, რომ იგი კვლავინდებურად რჩება პოზიციაზე, რომ მექსიკა კედლის მშენებლობაზე თანხას არ გადაიხდის, როგორც ამას ტრამპი, საკუთარ ამომრჩეველს პირდება.
„ვწუხვარ, ამერიკის მიერ მიღებული გადაწყვეტილების გამო. მექსიკას კედლების არ სჯერა, და როგორც არაერთხელ მითქვამს, გავიმეორებ, რომ მექსიკა კედლებზე თანხას არ გადაიხდის“,-აღნიშნა მექსიკის პრეზიდენტმა.
მან მწუხარება გამოთქვა იმის გამოც, რომ ტრამპმა გადაწყვეტილება იმ დროს მიიღო, როდესაც ვაშინგტონში მექსიკის სამთავრობო დელეგაცია იმყოფება, რომელიც მოლაპარაკებებს ვაჭრობის, უსაფრთხოებისა და მიგრაციის საკითხებზე მართავს.
დონალდ ტრამპი წინასაარჩევნო კამპანიის დროს ამბობდა, რომ იგი მექსიკის საზღვართან კედელს ააშენებდა და მის მშენებლობას მექსიკას დააკისრებდა. „დაიმახსოვრეთ ჩემი სიტყვები“-ამბობდა ტრამპი.
ერთ-ერთი მეთოდი, რომლითაც ტრამპი თანხის ამოღებას აპირებდა, გულისხმობდა, იმ თანხების დაბეგვრას, რასაც ამერიკაში მყოფი მექსიკელები სამშობლოში აგზავნიდნენ. ტრამპის გათვლებით, ამ გზით იგი წელიწადში 23 მილიარდ ევროს მოიპოვებდა.
კიდევ ერთ პოტენციურ წყაროდ, მექსიკასთან თავისუფალი ვაჭრობის შეთანხმების გადახედვა სახელდებოდა. ქვეყნებს შორის ტვირთბრუნვა 494 მილიარდ ევროს შეადგენს. მექსიკის ექსპორტის 80% ამერიკაში მიდის.
თავისუფალი ვაჭრობის შეთანხმება 1994 წლიდან მოქმედებს და ამერიკას, კანადასა და მექსიკას აერთიანებს.
აღსანიშნავია, რომ 31 იანვარს საკითხზე მოლაპარაკების გამართვა ვაშიგტონში, ამერიკისა და მექსიკის პრეზიდენტებს შორის არის ჩანიშნული. თუმცა, ჯერჯერობით უცნობია, ჩავა თუ არა მექსიკის პრეზიდენტი ვაშინგტონში.
მონიკა დავლიანიძე