კომენტარი

გავიზიარეთ ომბუდსმენის რეკომენდაცია, რომ მაჩალიკაშვილის საქმესთან დაკავშირებით უნდა მიეწოდოს ინფორმაცია საზოგადოებას - სოფიო კილაძე

საპარლამენტო უმრავლესობა მზადყოფნას გამოთქვამს, სახალხო დამცველის რეკომენდაციები გაითვალისწინოს.

ადამიანის უფლებების დაცვის კომიტეტის თავმჯდომარის სოფიო კილაძის განცხადებით, ომბუდსმენის 303 რეკომენდაციიდან 228 პარლამენტმა გაიზიარა. მათ შორის არის მაჩალიკაშვილის საქმე, რომელთან დაკავშირებითაც დეპუტატის თქმით, საზოგადოებას პერიოდულად ინფორმაცია უნდა მიეწოდოს.

„ჩვენ გავიზიარეთ რეკომენდაცია, რომ მაჩალიკაშვილის საქმესთან დაკავშირებით უნდა მიეწოდოს ინფორმაცია საზოგადოებას, როდესაც ახალი გარემოებები გამოვლინდება და ჩვენ ვფიქრობთ, რომ მაჩალიკაშვილის საქმის გამოძიება ბოლომდე უნდა მივიდეს. თუმცა ვიტყოდი, ყველაზე მეტი აქცენტები რაზეც არის გაკეთებული და ყველაზე მეტი რეკომენდაცია რაც არის გაცემული, ეს არის სოციალური და ეკონომიკური უფლებები, რაც მიანიშნებს იმაზე, რომ ჩვენ საზოგადოებაში სიღარიბე, გაჭირვება, მოწყვლადი ჯგუფები არის ყველაზე დიდი გამოწვევა და სწორედ ამ კუთხით უნდა გავიზიაროთ ჩვენ რეკომენდაციები,“-განაცხადა სოფო კილაძემ.