რეგიონები
გაზის გადასახადებით უკმაყოფილო აქციის მონაწილეები „სოკარ ჯორჯიას“ გორის ოფისში შეიჭრნენ
„სოკარ ჯორჯიას“ გორის ოფისში იმ აქციის მონაწილეები შეიჭრნენ, რომლებიც გაორმაგებული გაზის გადასახადებს აპროტესტებენ.
ისინი სოკარის სერვის ცენტრის რეგიონალური ოფისის მენეჯერს, გიგა გრიგალაშვილს გაზრდილ გადასახადებზე პასუხს სთხოვენ.
თავად გრიგალაშვილი ბრალდებებს უსაფუძვლოს უწოდებს. გაზრდილ გადასახადებს ის დეკემბერში ტემპერატურის დაცემასა და 35 კალენდარულ დღიან დარიცხვას უკავშირებს.
„ბრალდებები აბსოლუტურად უსაფუძვლოა, ეს აქცია მართულია კონკრეტული ადამიანების მხრიდან. მოსახლეობას ბრალდება თითქოს გაზში არეულია ჰაერი, აბსურდულია. სინოპტიკოსებიც კი აღიარებენ, რომ ნოემბრის თვესთან შედარებით 4-5 გრადუსით დაბალი იყო ტემპერატურა დეკემბრის თვეში. ამას დაემატა სადღესასწაულო დღეები, წაკითხვის მეთოდი, რომლითაც ჩვენ მრიცხველებიდან ჩვენება ავიღეთ, 35-დღიანია და სწორედ ამან გამოიწვია წინა თვესთან შედარებით მაღალი გადასახადი, თუმცა აქ არანაირი ხელოვნურ ჩარევას არ ჰქონია ადგილი“, – განაცხადა კომპანიის მენეჯერმა.
გორის მოსახლეობის ნაწილი გაზის გაორმაგებულ გადასახადებს 30 დეკემბრიდან აპროტესტებს. ადგილობრივების ნაწილი ეჭვობს, რომ გადასახადები ხელოვნურადაა გაზრდილი.
ანა მებურიშვილი