საზოგადოება
GDS-დან ოთხი თანამშრომელი არ მიმიღია, ეს არის ტყუილი-ვასილ მაღლაფერიძე
საზოგადოებრივი მაუწყებლის გენერალკური დირექტორის, ვასილ მაღლაფერიძის განცხადებით, მას ტელეკომპანია GDS-დან თანამშრომლები სამსახურში არ მიუღია.
ამის შესახებ მაღლაფერიძემ არხის 2017-2019 წლის რეფორმის წარდგენის შემდეგ ჟურნალისტების კითხვებისთვის პასუხის დროს განაცხადა.
ჟურნალისტმა მაღლაფერიძეს კითხვა დაუსვა, რომ თუ არხის კრიზისიდან გამოყვანისთვის კადრების ოპტიმიზაციაა საჭრო, მაშინ რატომ მიიღო არხის გენერალურმა დირექტორმა სამსახურში GDS-იდან ოთხი თანამშრომელი.
„ვინ არის ის ოთხი ადამიანი ვინც ჯიდიესიდან მივიღე?! ერთი კვირაა ვისმენ, ფეისბუკშიც ვკითხულობთ, რომ თითქოს მე ვთქვი, რომ ორშაბათს გადაცემები დაიხურება და ადამიანები ამას აპროტესტებდნენ. არავითარი ოთხი ადამიანი მე GDS-დან არ მიმიღია, ეს არის ტყუილი. ეს ხდება განუწყვეტლივ, ამ ჭორებს რეფორმასთან კავშირი არ აქვს. არ არის გამორიცხული, რომ ამ აჟიოტაჟს ისინი აგორებდნენ, ვისაც სინამდვილეში არ უნდათ რომ აქ რამე მსჯელობა დაიწყოს. ერთადერთი ვინც მოვიდა არის ია ანთაძე, ნოდარი ჭიჭინაძე და პაატა ქურდაძე, რომელიც ცხოვრობს და მუშოაბს პარიზში და მალე ჩამოვა საქართველოში“,-განაცხადა მაღლაფერიძემ.
მონიკა დავლიანიძე