საზოგადოება

გენერალური დირექტორის მიერ წარმოდგენილი გეგმა ლახავს საზოგადოებრივ მაუწყებელში დასაქმებულთა უფლებებს - დოდო შონავა

საზოგადოებრივი მაუწყებლის პირველადი და დამოუკიდებელი პროფკავშირები ამერიკის პროფესიული კავშირის დელეგაციის წევრებს შეხვდნენ, სადაც ისაუბრეს მაუწყებლის მენეჯმენტის მიერ დაგეგმილ რეფორმებსა და მათ სავარაუდო შედეგებზე.

არხის საზოგადოებრივ-პოლიტიკური მიმართულების ხელმძღვანელის, დოდო შონავას თქმით, ახალი გენერალური დირექტორისა და მისი გუნდი მარტო რეიტინგით არ უნდა განსაზღვრავდნენ გადაცემების დახურვა-არ დახურვის საკითხს.

„ის გეგმა, თუნდაც მეორე, რომელიც იყო წარმოდგენილი, უხეშად არღვევს ჩვენს პროფესიულ უფლებებს. იქ არაა მყარად დასაბუთებული, რატომ იხურება ესა თუ ის გადაცემა . მხოლოდ რეიტინგი საზოგადოებრივი მაუწყებლისთვის განმსაზღვრელი არ არის“, - განაცხადა შონავამ.

შეგახსენებთ, რომ არხის ახალი გენერალური დირექტორი ვასილ მაღლაფერიძე და მისი გუნდი აპირებს, არხის რეფორმის პროცესში , დახუროს ყველა ის გადაცემა, რომლის რეიტინგი არხის საშუალო მაჩვენებელზე დაბალია. მათ შორისაა ისეთი გადაცემები, როგორც „წითელი ზონაა“ და „რეალური სივრცე“.

ანა მებურიშვილი