პოლიტიკა
გენერალური შტაბის უფროსი ბრიტანელ სამხედროს შეხვდა
საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე დიდი ბრიტანეთისა და ჩრდილოეთ ირლანდიის გაერთიანებული სამეფოს 160-ე ბრიგადის მეთაურს, მარტინ გემბლს შეხვდა.
შეხვედრაზე მხარეებმა სამომავლო თანამშრომლობის საკითხები განიხილეს. ასევე ისაუბრეს უელსში გამართულ „ქვეით საველე სასროლო ბანაკის“ სწავლებაში ქართველი სამხედროების მონაწილეობის საკითხზე.
აღნიშნული სწავლება, სწორედ, უელსის 160-ე ბრიგადის მე-6 ქვეითი ბატალიონის ორგანიზებით ჩატარდა. ბრიგადის მეთაურმა წვრთნაში მონაწილე ქართველი სამხედროები მაღალ დონეზე შეაფასა. გენერალ-მაიორმა ვახტანგ კაპანაძემ კი აღნიშნა, რომ მსგავს სწავლებებში მონაწილეობა საქართველოს შეიარაღებულ ძალებს საშუალებას აძლევს, პარტნიორი ქვეყნების გამოცდილება გაიზიაროს და საბრძოლო, მომზადების კუთხით სიახლეები დანერგოს.
შეხვედრის ფარგლებში მხარეებმა ბრიტანელი სამხედროების საჩხერის სამთო მომზადების სკოლის ბაზაზე დაგეგმილ სწავლებებში მონაწილეობის საკითხიც განიხილეს.
„ბრიტანელი სტუმრების ჩამოსვლა საქართველოში მნიშვნელოვანი მოვლენაა, ჩვენ კიდევ უფრო ვაღრმავებთ თანამშრომლობას. ეს ეხება როგორც ნატოს შემადგენლობაში ბრიტანელებთან ჩვენს თანამშრომლობას, ასევე მათთან ორმხრივ თანამშრომლობას. ჩვენი სამხედროები მუდმივად მონაწილეობენ ე.წ. მზვერავთა შეჯიბრებაში, რომელიც ტარდება უელსში, ბრიტანეთში. ჩვენი სტუმრები სხვადასხვა დანაყოფს წარმოადგენენ, ერთ-ერთი არის სარეზერვო დანაყოფი. მათი გამოცდილება მნიშვნელოვანია და ჩვენთვის განსაკუთრებით საინტერესოა დღეს, როდესაც მიმდინარეობს სამუშაო შეხვედრები მობილიზაციისა და რეზერვის კონცეფციასთან დაკავშირებით“, - აღნიშნა გენერალ-მაიორმა ვახტანგ კაპანაძემ.
შეხვედრის შემდეგ სტუმრები თავდაცვის სამინისტროში მიმდინარე კონფერენციას დაესწრნენ, რომელზეც, სწორედ, საქართველოს შეიარაღებული ძალების მობილიზაციისა და რეზერვის კონცეფცია განიხილება.
ევროპარლამენტის რეზოლუციებმა საერთოდ დაკარგა ფასი ქართული საზოგადოებისთვის, კეზერაშვილს საწყალ დევნილად როცა გიცხადებენ, ევროპარლამენტარის განცხადებას ფასი ვერ ექნება - ირაკლი კობახიძე
23 აპრილი, 2024 , 18:13
ჩვენს ფეხბურთელებს არ აკლიათ მოტივაცია, თუმცა დამატებითი მხარდაჭერა არის ძალიან ფასეული, მადლობა ფონდ „ქართუსა“ და პირადად ბიძინა ივანიშვილს - ირაკლი კობახიძე
23 აპრილი, 2024 , 17:47
ყველას ახსოვს დღევანდელი რადიკალური ოპოზიციის დამოკიდებულება მედიისადმი, რომლის კულმინაცია იყო „იმედში“ სპეცრაზმით შეჭრა - ირაკლი კობახიძე
23 აპრილი, 2024 , 17:41
კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
23 აპრილი, 2024 , 17:34
კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
23 აპრილი, 2024 , 17:26
ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
23 აპრილი, 2024 , 17:21
