მოზაიკა

გერმანიაში Facebook-ის დამფუძნებელ მარკ ცუკერბერგის წინააღმდეგ სისხლის სამართლის საქმე აღიძრა

სოციალური ქსელის Facebook-ის დამფუძნებელ მარკ ცუკერბრგისა და კომპანიის ტოპ-მენეჯერების წინააღმდეგ გერმანიაში სისხლის სამართლის საქმე აღიძრა.

Spiegel Online-ის ინფორმაციით, გერმანიაში Facebook -ის მენეჯმენტს ბრალს ეროვნებათაშორისი შუღლის გაღვივებაში სდებენ.

გამოცემა აღნიშნავს, რომ ეჭვმიტანილთა შორის არის სოციალური ქსელის აღმასრულებელი დირექტორი შერილ სენდბერგი, კომპანიის ინტერესების ლობისტი ევროპაში რიჩარდ ალენი და მისი კოლეგა ბერლინში ევა-მარია კირშზიპერი.

გამოძიება მას შემდეგ დაიწყო, რაც ქალაქ ვიურცბურგის ადვოკატმა კომპანიის წინააღმდეგ სარჩელი სასამართლოში შეიტანა.

ადვოკატი Facebook -ის მენეჯმენტს სოციალურ ქსელში განთავსებული მკვლებებისადმი, ძალადობისადმი, დაშინებებისადმი მოწოდებები, ჰოლოკოსტის უარყოფისა და სხვა კანონდარღვევის შემცვლელი კონტენტის აღმოფხვრის უმოქმედობაში ადანაშაულებს.

სარჩელის ავტორი აღნიშნავს, რომ კომპანია ხშირად უმოქმედო არის იმ რადიკალური ინფორმაციის მიმართ,რომელიც სოციალურ ქსელში განთავსდება და სტანდარტული ფორმულირებებით პასუხობს, რომ კონტენტი საფრთხის შემცვლელი არ არის.

მონიკა დავლიანიძე