საზოგადოება

გერმანიაში პატრიარქის სასწრაფოდ ტრანსპორტირება აუცილებელი არ არის - ექიმი

გერმანელმა პროფესორმა სრულიად საქართველოს კათოლიკოს-პატრიარქი მოინახულა.

საპატრიარქოს ჯანდაცვის დეპარტამენტის ხელმძღვანელის მოადგილის, პატრიარქის ექიმის ცისანა შარტავას ინფორმაციით, უცხოელ სპეციალისტს ქართველი ექიმების მიერ შერჩეული მკურნალობის კურსი არ შეუცვლია.

მისი თქმით, გერმანიაში პატრიარქის სასწრაფოდ გადაყვანა აუცილებელი არ არის.

„ამ ეტაპზე, სასწრაფო ოპერაციის გაკეთება საჭირო არ არის, ვინაიდან, შესაძლოა, ქირურგიული ჩარევის გარეშეც გამოვიდეს პატრიარქი ამ მდგომარეობიდან, თუმცა უნდა ითქვას, რომ ოპერაციის საჭიროება ბოლომდე არ მოხსნილა. უწმინდესის ჯანმრთელობის მდგომარეობა გაუმჯობესებულია, ის თავს უკეთ გრძნობს, ლაბორატორიული მაჩვენებლებიც უკეთესია" - განუცხადა ცისანა შარტავამ საზოგადოებრივ მაუწყებელს.

ნინო ექვთიმიშვილი