მსოფლიო

გერმანიაში საქართველოს მოქალაქე დაჭრეს

გერმანიაში საქართველოს მოქალაქე დაჭრეს. წინასწარი ინფორმაციით, ინციდენტი ქალაქ ლაიფციგში მოხდა. დაჭრილი ერთ-ერთ საავადმყოფოში გადაიყვანეს. მას ცეცხლსასროლი იარაღით 7 ჭრილობა აქვს მიყენებული, მათ შორის ერთი თავში.

ინფორმაციას მომხდარის შესახებ რუსთავი 2 დაჭრილის მეგობარზე დაყრდნობით ავრცელებს.

პაციენტის მდგომარეობა უკიდურესად მძიმეა. დაჭრილის მეგობრები დახმარებას ითხოვენ. როგორც ისინი ამბობენ მათ არ აქვთ ინფორმაცია დაშავებულის ოჯახის და ახლობლების შესახებ.

,,ახლობელის ყოფილი მეუღლეა. მან გამოიცვალა რამდენიმე ქვეყანა და ვერ მიიღო თავშესაფარი ვერსად. ბოლოს ვიცი, რომ იყო გერმანიაში, მემესიჯა, რომ თურმე დაუჭრიათ. არაბმა დამჭრა, 7 ტყვია მაქვსო. ორი ოპერაცია გაუკეთეს და უკვე მესამეს უტარებენ. მე არ მაქვს იმედი, რომ გადავრჩებიო. მომწერე სად ხარ, იქნებ საქართველოდან დაგეხმაროთ, შეგეხმიანებიან, საკონსულო შევა საქმის კურსში-თქო და უკვე აღარ გამოჩნდა’’, - ამბობს რუსთავი 2-თან საუბარში ნინო გოგიბერიძე.