გერმანიაში, ქალაქ კარლსრუეში, შეიარაღებულმა მამაკაცმა საცხოვრებელ სახლში მძევლები აიყვანა.

,,ბი-ბი-სის” ცნობით, შეიარაღებულმა პირმა მძევლები დახოცა, შემდეგ კი თავი მოიკლა.

გერმანიის პოლიციის ინფორმაციით, დაღუპულია ხუთი ადამიანი.

კარლსრუეში გერმანელმა მამაკაცმა, რომელსაც სასამართლოს გადაწყვეტილებით საკუთარი სახლიდან ასახლებდნენ, აღმასრულებლებს წინააღმდეგობა გაუწია და ოთხი მძევალი აიყვანა.

მძევლებს შორის აღმოჩნდნენ სასამართლოს აღმასრულებლები, სახლის ახალი მეპატრონე და ხელოსანი, რომელიც კარის საკეტის გატეხვას ცდილობდა.

ადგილზე მობილიზებულმა სპეცრაზმმა სახლის შტურმით აღება მას შემდეგ დაიწყო, როდესაც სახლის სახურავზე კვამლი გაჩნდა. სახლში შესულ სამართალდამცავებს ხუთი ადამიანის ცხედარი დახვდათ.