კომენტარი
გიგი უგულავას წინააღმდეგ ციხიდან გამოსვლის დღიდან ბინძური კამპანია დაიწყო - სერგო რატიანი
პარტია ნაციონალური მოძრაობის, ე.წ ბოკერია-ბაქრაძის გუნდის წევრის, სერგო რატიანის განცხადებით, მიღებულია გადაწყვეტილება, რომ პარტია უნდა დაიშალოს.
ამის შესახებ რატიანმა მედიას, ფრაქციის ოთახში, ნიკა მელიასა და სხვა წევრებს შორის მომხდარი სიტყვიერი შელაპარაკების შემდეგ განუცხადა.
მისი თქმით, გიგი უგულავას წინააღმდეგ ციხიდან გამოსვლის დღიდანვე ბინძური კამპანია დაიწყო.
„ჩვენ ვხედავთ ბინძურ კამპანიას, რომელიც მიმართული არის ერთი ჯგუფის მიმართ, ჩვენი ჯგუფის მიმართ. ეს ბინძური კამპანია გრძელდება თვეების განმავლობაში. ესენი არ მოერიდნენ იმას, რომ ადამიანი, როდესაც ციხიდან გამოვიდა და მოითხოვა რამდენიმე დღე, მიუხედავად ამისა, იმ დღიდანვე დაიწყო მის მიმართ ბინძური კამპანია. ისინი არ მოერიდნენ იმას, რომ გადადგმულიყო ნაბიჯი. გუშინ კიდევ ერთი შეხვედრა იყო და იყო შეთანხმება. მიუხედავად ამისა, ჩვენ სრულიად ბინძურ სცენებს ვხედავთ. ჩვენ ვხედავთ, რომ გადაწყვეტილება არის მიღებული, რომ დაიშალოს პარტია“,-აღნიშნა რატიანმა.
დღეს, პარლამენტში, ფრაქცია ნაციონალური მოძრაობის ოთახში ნიკა მელიას, სერგო რატიანის, აკაკი ბობოხიძისა და ელენე ხოშტარიას შორის სიტყვიერი შელაპარაკება მოხდა.
ნიკა მელიამ თანაგუნდელების მისამართით განაცხადა, რომ „გიგა ბოკერიას ბავშვი არ უსმენს ისე, როგორც თქვენ“.
მონიკა დავლიანიძე