უკან

უახლესი ამბები

დღის კალენდარი

ანონსები

არქივი

პოლიტიკა

20 ოქტომბერი, 2020 17:40
font-size

გინდოდათ ხალხის გაჭირვებაზე და შიშებზე ფული გეკეთებინათ, ჩვენ ყველაფერ ამას დავასრულებთ - მიხეილ სააკაშვილი

„ნაციონალური მოძრაობა – ძალა ერთობაშიამ“ საჩხერის მოსახლეობას მაჟორიტარი დეპუტატობის კანდიდატი გიორგი კაპანაძე წარუდგინა. „ნაციონალური მოძრაობის“ ლიდერებთან ერთად, შეკრებილ მოქალაქეებს უკრაინიდან მიმართა მიხეილ სააკაშვილმაც.

სააკაშვილის თქმით, მას თანამდებობა არ აღელვებს, არამედ საქართველოს საუკეთესო მომავლისთვის იბრძვის.

„არავინ იბრძვის თანამდებობებისთვის, საერთოდ არ მაღელვებს არც ერთი კაბინეტი, ევროპის ყველაზე დიდი ქვეყნის პრემიერ-მინისტრობაზე ვთქვი სამჯერ უარი, როცა ეს უკრაინის პრეზიდენტმა შემომთავაზა, მაგრამ ჩემს სამშობლოს – საქართველოს ვერასდროს ვუღალატებ და ჩემს ქართველობაზე, რომლითაც ძალიან ვამაყობ, ვერასდროს ვიტყვი უარს. ჩემთვის საქართველო არის ჩემი რწმენა, ყველაფერი, რისთვისაც ღირს ცხოვრება და სიკვდილი. და ახლა, ჩემს თავს ვეუბნები – ან გამარჯვება ან სიკვდილი. ვინაიდან სიკვდილი ნამდვილად არავის გვსურს, გამარჯვება და მხოლოდ გამარჯვება თქვენთან ერთად, საქართველოს საუკეთესო დღეები არის წინ“, – განაცხადა სააკაშვილმა.

ამასთან, სააკაშვილმა ისაუბრა „კოვიდ-19“-ის პანდემიასთან დაკავშირებით და აღნიშნა, რომ ხელისუფლება ვირუსის წინააღმდეგ ბრძოლაში ქმედით ნაბიჯებს ვერ დგამს.

„ნახეთ, რომ მათ ტყუილებს და შეცდომებს აქვს კონკრეტული ადამიანური ფასი – ყოველ დღე პანტა-პუნტით გვეხოცება ხალხი ახალი ვირუსისგან. ეს იმიტომ, რომ მათ ჯერ კიდევ ივნისში გამოაცხადეს, რომ საქართველოში დაიწყო მეორე ტალღა. დღეს იგივე კაცი ამბობს, რომ მეორე ტალღა კიარა, თურმე, საქართველოში მხოლოდ პირველი ტალღა იწყება. მათ თვლაც არ იციან, მათთვის მეორე ტალღის შემდეგ იწყება პირველი ტალღა, მათთვის უკვე დამარცხებული კოვიდი საქართველოში ბრუნდება სომხეთზე მეტი ციფრებით. იმის მაგივრად, რომ მომზადებულიყვნენ, ნახეთ, რამხელა რიგებია საავადმყოფოებში, სად არის უფასო ტესტები? მთელი ფული, რომელიც მათ გამოიღეს თქვენი ჯიბიდან, თითოეული თქვენგანის, თითოეული ოჯახის სახელით ისესხეს 10 000 ლარი, მთელი ეს ფული დახარჯა გახარიამ, ივანიშვილის ძმამ და ყველა სხვამ თავის სასტუმროებზე, თავის ნათესავებზე. თალაკვაძის ძმა დანიშნეს სასწრაფოების უფროსად და იმის შემდეგ, თურმე სასწრაფო ოთხი საათი აღარ მოდის. მერე რა მოხდაო? კიდევ დაგვცინიან. მერე რა მოხდა რომ ხალხი იხოცებაო, ერთ-ერთი მუშკეტერი ამბობს, ხალხი იხოცება იმიტომ, რომ თანმდევი პოზიციები აქვსო, ზოგს მუხლი სტკიოდაო, ზოგს შაქარი ჰქონდა აწეული, ზოგს ხანდახან წნევა უწევდაო. უკაცრავად, თუ წნევა გვიწევს, ეს არის საფუძველი იმისთვის, რომ დავიხოცოთ, რადგან თქვენ მთელი ფული მოიპარეთ? იმის გამო, რომ პრეპარატები არ იყიდეთ? იმის გამო, რომ მედპერსონალი არ მოამზადეთ? მედპერსონალი თვითონ არის დაუცველი, თავად გადასდებს თავის პაციენტებს დაავადებას. გინდოდათ ხალხის გაჭირვებაზე და შიშებზე ფული გეკეთებინათ, ჩვენ ყველაფერ ამას დავასრულებთ“, – განაცხადა სააკაშვილმა.

მიხეილ საააკაშვილის განმარტებით, აქვს ზუსტი გეგმა, თუ როგორ უნდა დასტაბილურდეს ამ მხრივ ქვეყანაში ვითარება.

„მე მაქვს ზუსტი გეგმა, როგორც კი ჩვენ მოვალთ, სიტუაციას მთლიანად დავასტაბილურებთ დაავადების თვალსაზრისით, ხოლო წლის ბოლოს საქართველოს ექნება დაავადებების მართლაც ერთ-ერთი ყველაზე დაბალი მაჩვენებელი, რადგან ჩვენ შემოვიტანთ ყველაზე მოწინავე წამლებს, ჩვენ შევძლებთ ყველაზე საუკეთესო აპარატურის შემოტანას, ისევე როგორც თავის დროზე გავუმკლავდით ქათმის და ღორის გრიპებს, რადგან ჩემი მთავრობა ამას აკეთებდა, ესენი მხოლოდ გატყუებენ“, – განაცხადა სააკაშვილმა.

საქართველოს მთავრობა გამოხატვის თავისუფლებას არ შეზღუდავს - გიორგი გახარია

26 ნოემბერი, 2020 , 17:05

რაც შეეხება აქციებს, საქართველოს მთავრობა გამოხატვის თავისუფლებას არ შეზღუდავს, - ამის შესახებ საქართველოს პრემიერ-მინისტრმა გიორგი გახარიამ, ბრიფინგზე განაცხადა. მთავრობის მეთაურის თქმით, ამ საკითხშიც მარტივი გამოსავალი

არჩევნები რომ არ უნდა გადაგვედო, ეს დადასტურდა იმ რაოდენობის ადამიანებით, რომლებიც მივიდნენ და მისცეს ხმა ქვეყნის შემდგომ დემოკრატიულ განვითარებას - გიორგი გახარია

26 ნოემბერი, 2020 , 16:45

არჩევნები რომ არ უნდა გადაგვედო, ეს დადასტურდა იმ რაოდენობის ადამიანებით, რომლებიც მივიდნენ და ჩვენს ქვეყანაში მისცეს ხმა ქვეყნის შემდგომ დემოკრატიულ განვითარებას, - ამის შესახებ საქართველოს პრემიერ-მინისტრმა გიორგი გახა

ის, რაც დღეს ქვეყანაში ხდება, არის პირდაპირი გზა შიმშილისკენ - დავით ჭიჭინაძე

26 ნოემბერი, 2020 , 11:40

პოლიტიკური კრიზისის დაძლევას პოლიტიკოსები სჭირდება და არა მონები, - ამის შესახებ პოლიტიკური მოძრაობა „ტრიბუნას“ ლიდერმა, დავით ჭიჭინაძემ განაცხადა. „ქართული ოცნება“ თავისი სულელური განცხადებებით დ

რიგგარეშე არჩევნები ჩვენთვის არის წითელი ხაზი, ყველა სხვა საკითხზე შეგვიძლია საუბარი და შეთანხმებების მიღწევა - ირაკლი კობახიძე

25 ნოემბერი, 2020 , 17:56

"ჩვენთვის არის ერთადერთი წითელი ხაზი, რაც არის დაკავშირებულ რიგგარეშე არჩევნებთან. ანუ, რიგგარეშე არჩევნები ჩვენთვის არის წითელი ხაზი, ყველა სხვა საკითხზე რა თქმა უნდა, შეგვიძლია საუბარი და შეთანხმებების მიღწევა,“

არსებობს წინსვლის რესურსი, თუმცა ეს უნდა მოხდეს ახალი არჩევნების ირგვლივ - სერგი კაპანაძე

25 ნოემბერი, 2020 , 14:50

"ევროპული საქართველოს" ერთ-ერთი ლიდერი, სერგი კაპანაძე, ოპოზიციური პარტიების ლიდერებსა და ელჩებს შორის ინდივიდუალურ შეხვედრებს ეხმაურება. კაპანაძის თქმით, ინდივიდუალური შეხვედრები ჩვეულებრივი პროცესია რაუნდებს შორის, რათ

გედევან ფოფხაძემ `ჩვენი საქართველო - სოლიდარობის ალიანსი` დატოვა

24 ნოემბერი, 2020 , 12:55

გედევან ფოფხაძემ პარტია "ერთიანი საქართველო - სოლიდარობის ალიანსი" დატოვა. ამის შესახებ ინფორმაციას პარტიის პრესსამსახურში ადასტურებენ. პარტიაში ამბობენ, რომ ფოფხაძემ გადაწყვეტილება არჩევნებიდან მალევე მიიღო, თუმცა რა გა