კომენტარი

გიორგი ალიბეგაშვილის ვარაუდით, ,,ბავშვთა სამყაროს’’ შენობის დემონტაჟი გახდება საჭირო

თბილისის საკრებულოს თავმჯდომარის, გიორგი ალიბეგაშვილის ვარაუდით, ხანძრის შედეგად ,,ბავშვთა სამყაროს’’ შენობა იმდენადაა დაზიანებული, რომ სავარაუდოდ, მისი დემონტაჟი გახდება საჭირო.

,,ძალიან სამწუხარო ფაქტი მოხდა. ბავშვთა სამყაროს ცეცხლი გაუჩნდა. როგორც მითხრეს 04:11 საათზე დაიწყო ხანძარი. სამწუხაროდ, გვიან მოხდა ამ ამბის შეტყობინება, იმიტომ, რომ უცაბედად გაირკვა, რომ ცეცხლი მთლიანად იყო მოდებული.

ახლა ეს შენობა არის მთლიანად დეფორმირებული. სამწუხაროდ, შიგნით შესვლა არ ხერხდება იმიტომ, რომ სიმკარებები არის დეფორმირებული და ნებისმიერ წუთს შეიძლება ჩამოვარდეს და ტრაგედია დატრიალდეს. ამიტომ, ამას როგორც ჩანს, სხვანაირი დამუშავება დასჭირდება. როგორც ჩანს, დანგრევა უნდა. იმედია, რომ ისინი ჩვენი მხრიდან, მუნიციპალიტეტის და სახელმწიფოს მხრიდან თანადგომას იგრძნობენ’’, - განუცხადა ჟურნალისტებს შემთხვევის ადგილზე მისულმა გიორგი ალიბეგაშვილმა.

ნინო ექვთიმიშვილი