საზოგადოება

გიორგი ანდრიაძე ომბუდსმენზე: არსებობს ძალიან დიდი ეჭვი, რომ ეს ადამიანი დაკავშირებულია ფეთჰულაჰ გიულენის ორგანიზაციასთან

უჩა ნანუაშვილი, მინიმუმ, არის უპასუხისმგებლო, რომელსაც გართულება აქვს პროქართულად განწყობილი ნებისმიერი ადამიანის მიმართ, - განაცხადა ,,პრაიმ ტაიმთან“ ინტერვიუში საპატრიარქოს უნივერსიტეტის სამეთვალყურეო საბჭოს თავმჯდომარემ, გიორგი ანდრიაძემ.

მისი თქმით, პატრიარქის სახლში თურქეთის მოქალაქეების ცხოვრების თემა ურცხვი ტყუილია და "ერთი დიდი სპექტაკლის ნაწილია", რომლის მიზანი საპატრიარქოს დისკრედიტაციაა.

,,ეს არის ერთი დიდი სპექტაკლი, რომლის ერთ-ერთი ფრაგმენტი გახლავთ ამ დეზინფორმაციის მაქსიმალური გავრცელება. ამ ყველაფრის უკან დგას ძალიან დიდი ძალა, რომელიც უკვე დაუფარავად და აქტიურად ებრძვის ეკლესიას. ზოგს შეგნებულად და ზოგს შეუგნებლად, იყენებენ ამ საქმისთვის“, - აცხადებს გიორგი ანდრიაძე.

მისი თქმით, "ლაზურ პროექტს" არანაირი შეხება საპატრიარქოსთან არ აქვს და თურქეთი ამ მოქალაქეების ტერორისტობას ვერ დაასაბუთებს.

საპატრიარქოს უნივერსიტეტის სამეთვალყურეო საბჭოს თავმჯდომარე ამბობს, რომ "ლაზებს არანაირი შეხება არ აქვთ ფეთჰულა გიულენის მოძრაობასთან".

ამასთან, ანდრიაძე ამბობს, რომ მაშინ, როცა ჩაბუქის საქმის გამო სახალხო დამცველი "ისტერიკაშია ჩავარდნილი", არაფერს ამბობს ლაზებთან დაკავშირებით.

ისარ გამორიცხავს, რომ უჩა ნანუაშვილი გიულენის ორგანიზაციასთან იყოს დაკავშირებული.

,,არსებობს ძალიან დიდი ეჭვი, რომ ეს ადამიანი თავად არის დაკავშირებული ფეთჰულაჰ გიულენის ორგანიზაციასთან, ისევე როგორც ის ადამიანები, ვინც თავგამოდებით იცავენ მუსტაფა ემრი ჩაბუქს და არაფერს ამბობენ საქართველოს პატრიოტი ლაზების შესახებ“, - განაცხადა ანდრიაძემ.