უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
პოლიტიკა
გიორგი გახარია აზერბაიჯანის პრემიერ-მინისტრს შეხვდა
„აზერბაიჯანის პრემიერ–მინისტრთან გვქონდა ძალიან ნაყოფიერი შეხვედრა, ვისაუბრეთ სავაჭრო–ეკონომიკური ურთიერთობების კიდევ უფრო გაღრმავებისა და იმ მნიშვნელოვანი პროექტების შესახებ, რომელშიც აქტიურად არის ჩართული ორივე ქვეყანა ენერგეტიკული თუ სატრანზიტო პოტენციალის სრულად რეალიზებისთვის“, - ამის შესახებ საქართველოს ეკონომიკისა და მდგრადი განვითარების მინისტრმა, გიორგი გახარიამ აზერბაიჯანის რესპუბლიკის პრემიერ–მინისტრთან, არტურ რასიზადესთან შეხვედრის შემდეგ განაცხადა. გიორგი გახარიამ ქვეყნის მთავრობის მეთაურთან ორმხრივი ურთიერთობების განვითარებისა და საქართველო–აზერბაიჯანის სტრატეგიული პარტნიორობის მნიშვნელოვანი საკითხები განიხილა.
საქართველოს ეკონომიკის სამინისტროს ინფორმაციით, აზერბაიჯანის პრემიერ–მინისტრთან საუბრისას ქართულმა მხარემ ხაზი გაუსვა ორ ქვეყანას შორის სავაჭრო ბრუნვის მნიშვნელოვანი ზრდის ტენდენციას და იმ დიდ ეკონომიკურ პოტენციალს, რომელიც საქართველოს და აზერბაიჯანს გააჩნია ექსპორტის, იმპორტის, ტურიზმის, ენერგეტიკის, წარმოების, ტრანსპორტის, ლოგისტიკისა და გადაზიდვების მიმართულებით. შეხვედრაზე ითქვა, რომ ორივე მხარე განსაკუთრებულ მნიშვნელობას ანიჭებს სატრანსპორტო დერეფნების ეფექტურ და კონკურენტულ განვითარებას, რისთვისაც მნიშვნელოვანი ინფრასტრუქტურული პროექტები ხორციელდება. გიორგი გახარიამ ქვეყნის პრემიერთან აზერბაიჯანში ქართული დელეგაციის ორდღიანი ვიზიტის შედეგები შეაჯამა, მთავრობის წევრებს გულთბილი მასპინძლობისთვის მადლობა გადაუხადა და აღნიშნა, რომ ქვეყნის უმაღლესი ხელისუფლების წარმომადგენლებთან გამართული ნაყოფიერი შეხვედრები განსაკუთრებული სტიმულია ორ ქვეყანას შორის როგორც ეკონომიკური, ისე პოლიტიკური და კულტურული ურთიერთობების კიდევ უფრო მაღალ დონეზე განვითარებისთვის.
გიორგი გახარიას ვიზიტი აზერბაიჯანში 14 ივნისს დასრულდა. ვიზიტის ფარგლებში საქართველოს ეკონომიკისა და მდგრადი განვითარების მინისტრმა თანმხლებ დელეგაციასთან ერთად შეხვედრები გამართა აზერბაიჯანის პრეზიდენტთან, პრემიერ–მინისტრთან, ასევე ქვეყნის ეკონომიკის, ტრანსპორტისა და კომუნიკაციების, ასევე კულტურისა და ტურიზმის მინისტრებთან.