უკან

უახლესი ამბები

დღის კალენდარი

ანონსები

არქივი

ეკონომიკა

12 იანვარი, 2017 16:55
font-size

გიორგი გახარია: სამთავრობო პროგრამებით შევქმენით ქართული პროდუქტი, რომელიც არის ხარისხიანი და კონკურენტუნარიანი

„აწარმოე საქართველოში“ სწრაფი განვითარებისთვის“ - ამ სახელწოდებით 2017 წლიდან ერთი ქუდისა და ბრენდის ქვეშ გაერთიანდება ყველა ის სახელმწიფო პროგრამა, რომელიც საქართველოში მეწარმეობის განვითარების ხელშეწყობაზე, ქართული პროდუქციის პოპულარიზაციასა და ექსპორტის ზრდაზეა ორიენტირებული. განახლებული პროგრამის შესახებ დეტალური ინფორმაცია საზოგადოებას ეკონომიკისა და მდგრადი განვითარების მინისტრმა, გიორგი გახარიამ გააცნო. ღონისძიებას საქართველოს პრეზიდენტი გიორგი მარგველაშვილი, „აწარმოე საქართველოში“ პროგრამის ბენეფიციარები, ასევე სამთავრობო და კერძო სექტორის წარმომადგენლები ესწრებოდნენ.

როგორც პრეზენტაციაზე ითქვა, „აწარმოე საქართველოში“ პროგრამის ბრენდის ქვეშ გაერთიანდება ეკონომიკის სამინისტროს მეწარმეობის განვითარების სააგენტოს, ინოვაციებისა და ტექნოლოგიების სააგენტოს, სოფლის მეურნეობის სამინისტროს პროექტების მართვის სააგენტოსა და საქართველოს საპარტნიორო ფონდის მეწარმეობის ხელშეწყობისთვის არსებული პროექტები („აწარმოე საქართველოში,“ ერთიანი აგროპროექტი, მიკრო და მინი გრანტები, „სტარტაპ საქართველო,“ შეღავათიანი აგროკრედიტის პროექტი, დამწყები ბიზნესის ხელშემწყობი პროგრამა, „დანერგე მომავალი“ და ა.შ.)

„პროგრამა ,,აწარმოე საქართველოში“ და მეწარმეობის მხარდაჭერის სხვა სახელმწიფოს მიერ ინიცირებული პროგრამები გარკვეულ ეტაპზე მივიდნენ და გადადიან შემდეგ ეტაპზე. რა არის აქ მნიშვნელოვანი და რატომ გადავდივართ შემდეგ ეტაპზე? გადავდივართ იმიტომ, რომ ჩვენ უკვე შევქმენით და მივაღწიეთ განვითარების რაღაც დონეს, როდესაც ქართული საწარმოები ქმნიან კონკურენტუნარიან ქართულ პროდუქტს. შესაბამისად, ვთვლით, რომ შემდგომი ეტაპი უნდა იყოს ასეთი საწარმოების ხელშეწყობის პროგრამების მიზნობრიობის გაზრდა, მათი ურთიერთსტრუქტურირების ხარისხის გაზრდა, რათა სინერგიის ეფექტის საშუალებით სახელმწიფოს მიერ დახარჯული თითოეულმა თეთრმა მოიტანოს უფრო მეტი ეფექტი“ - განაცხადა გიორგი გახარიამ.

მინისტრის თქმით, „აწარმოე საქართველოში“ პროგრამის ერთიანი ქუდის ქვეშ დაგეგმილია სახელმწიფო მხარდაჭერის უკეთესი სტრუქტურიზება/სეგმენტირება და ეკონომიკის საჭიროებებზე უფრო უკეთ მორგება; ტექნიკური დახმარების გაძლიერება (პროექტების დახვეწაში დახმარება, საინფორმაციო მხარდაჭერა, მენტორინგი); სესხების გაცემა მხოლოდ ეროვნულ ვალუტაში; ასევე „აწარმოე საქართველოს“ ფარგლებში ახალი, ინფრასტრუქტურის კომპონენტის დამატება, რომელიც გულისხმობს მეწარმეებისთვის მომიჯნავე ინფრასტრუქტურის მოწყობაში მხარდაჭერას ინდუსტრიული და სასტუმროების განვითარების მიმართულებით.

„ეს ყველაფერი გვაძლევს საშუალებას, რომ პოზიტიური მასშტაბირების ეფექტი იყოს უფრო დიდი. ჩვენ უკვე შეგვიძლია მოსახლეობას მოვუწოდოთ, რომ სხვა პროდუქტებთან თანაბარ პირობებში იყიდეთ ქართული, რადგან ის არის კარგი და კონკურენტული. ყველა ჩვენგანს შეუძლია ამ საქმეში შეიტანოს საკუთარი წვლილი - ზოგს ინტერნეტსივრცეში, ზოგს შესყიდვებში, ზოგს შეუძლია იმოგზაუროს რეგიონებში და ქართული პროდუქციის პრომოცია გააკეთოს. ყველამ უნდა შევქმნათ პოზიტიური მოლოდინები, რომ შესაძლებელია საქართველოში წარმოებული პროდუქტი იყოს ხარისხიანი, კონკურენტუნარიანი დ მას მხარი დავუჭიროთ“ - განაცხადა გიორგი გახარიამ.

პრეზენტაციაზე ხაზგასმით აღინიშნა, რომ პროგრამა „აწარმოე საქართველოში“ ორი წელია წარმატებით ხორციელდება და მან მიაღწია ძირითად მიზანს - საქართველოში შეიქმნა ქართული პროდუქტი, ადგილობრივი კომპანიები უკვე უშვებენ მაღალხარისხიან, კონკურენტუნარიან ნაწარმს, რომელსაც შეუძლია ჩაანაცვლოს იმპორტი და ღირსეული ადგილი დაიმკვიდროს საექსპორტო ბაზრებზე.

საკვანძო სიტყვები:

მნიშვნელოვანია, რომ ევროპა ბუნებრივ აირს საქართველოს ტერიტორიაზე გამავალი „სამხრეთის გაზის კორიდორის“ მეშვეობით მიიღებს - ნათია თურნავა

21 თებერვალი, 2019 , 11:10

საქართველო მხარს უჭერს სამხრეთის გაზის კორიდორის განვითარებას. მნიშვნელოვანია, რომ ევროპა ბუნებრივ აირს საქართველოს ტერიტორიაზე გამავალი აღნიშნული კორიდორის მეშვეობით მიიღებს. პროექტი სტრატეგიულად მნიშვნელოვანია არა მხოლ

ეროვნული ბანკის ფინანსური სტაბილურობის კომიტეტმა კონტრციკლური ბუფერი უცვლელად, 0%-ზე შეინარჩუნა

20 თებერვალი, 2019 , 17:20

ეროვნული ბანკის ფინანსური სტაბილურობის კომიტეტმა კონტრციკლური ბუფერი უცვლელად, 0%-ზე შეინარჩუნა. ამის შესახებ ინფორმაციას საქართველოს ეროვნული ბანკი ავრცელებს. “ეროვნული ბანკი ახორციელებს საკრედიტო ზრდით გამოწვეული

ბიზნესექტორთან მჭიდრო თანამშრომლობა ხელს უწყობს აქტუალური საკითხების წამოჭრას და ეფექტიანი გადაწყვეტილებების მიღებას - ლევან დავითაშვილი

20 თებერვალი, 2019 , 12:20

გარემოს დაცვისა და სოფლის მეურნეობის მინისტრი ლევან დავითაშვილი, დამსაქმებელთა ასოციაციის ინიციატივით გამართულ შეხვედრაზე, 100-ზე მეტი კომპანიის წარმომადგენელს შეხვდა. შეხვედრაზე მიმდინარე, დაგეგმილი აქტივობები და ახალი

ვენა - იანვრის ყველაზე მოთხოვნადი ავიამიმართულება ქუთაისის საერთაშორისო აეროპორტიდან

20 თებერვალი, 2019 , 12:20

ეკონომიკისა და მდგრადი განვითარების სამინისტროს "საქართველოს აეროპორტების გაერთიანება" ქუთაისის საერთაშორისო აეროპორტიდან დატვირთვის მიხედვით, 2019 წლის იანვრის მოთხოვნადი მიმართულებების ხუთეულს აქვეყნებს. რეიტინგის მოთხ

2018 წელს დაქირავებით დასაქმებულთა რაოდენობამ პირველად გადააჭარბა თვითდასაქმებულთა რაოდენობას - ეკატერინე მიქაბაძე

19 თებერვალი, 2019 , 15:50

„2018 წელს უმუშევრობის დონე წინა წელთან შედარებით 1.2 პროცენტული პუნქტით შემცირდა და 12.7 პროცენტი შეადგინა, რაც ყველაზე დაბალი მაჩვენებელია ბოლო 15 წლის განმავლობაში“ - ამის შესახებ ეკონომიკისა და მდგრადი გა

იანვარში საქონლით ვაჭრობის დეფიციტი გაუმჯობესდა - ეკატერინე მიქაბაძე

19 თებერვალი, 2019 , 15:50

2019 წლის იანვარში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 826.8 მლნ. აშშ დოლარი შეადგინა, რაც წინა წლის შესაბამისი პერიოდის მაჩვენებელს 1.2 პროცენტით აღემატება. სტატისტიკის ეროვნ