სამართალი

გიორგი გასვიანის ცემის ფაქტზე სამი პირი დააკავეს

ტელეკომპანია „იბერიას“ ჟურნალისტის, გიორგი გასვიანის ცემისა და მუქარის ფაქტზე სამცხე-ჯავახეთის სამხარეო პროკურატურამ სამი პირი დააკავა.

ბრალდებულის სახით დაკავებულები არიან მიხეილ ხუციშვილი, პაატა კვინიკაძე და ბორის გოგიჩაიშვილი. ისინი წინასწარი დაკავების იზოლატორშია მოთავსებული.

სამიდან ერთ-ერთი ყოფილი პოლიციელია და სამსახურიდან სწორედ, გიორგი გასვიანის ცემის გამო გაათავისუფლეს.

შეგახსენებთ, რომ შემთხვევა ბორჯომში დაახლოებით ერთი თვის წინ მოხდა. გიორგი გასვიანი სამართალდამცველს ცემაში ადანაშაულებდა და აცხადებდა, რომ ნასვამ მდგომარეობაში მყოფი პოლიციელი ორ პირთან ერთად მას ფიზიკურად გაუსწორდა.

ნინო ექვთიმიშვილი