პოლიტიკა

გიორგი გოგაძე იური ლუცენკოს შეხვდა

უკრაინის გენერალური პროკურორი იური ლუცენკო საქართველოს მთავარი პროკურორის მოადგილეს გიორგი გოგაძეს შეხვდა.

როგორც უკრაინის გენერალური პროკურატურის ოფიციალურ ვებგვერდზე გავრცელებულ ინფორმაციაშია ნათქვამი, შეხვედრა 12 იანვარს შედგა.

უკრაინული საგამოძიებო უწყების ცნობით, ღონისძიების ფარგლებში მხარეებმა განიხილეს ორმხრივი თანამშრომლობის ყველაზე აქტუალური საკითხები, კერძოდ, სისხლის სამართლებრივ პროცესში საერთაშორისო სამართლებრივი დახმარებისა და ექსტრადიციის საკითხები.

,,დასასრულს მხარეებმა აღნიშნეს შეხვედრის კონსტრუქციული ხასიათი და მომავალი თანამშრომლობის იმედი გამოთქვეს“, - აღნიშნულია ინფორმაციაში.

ამასთან, აღსანიშნავია, რომ უკრაინის გენერალური პროკურატურის განცხადებაში საქართველოს ყოფილი პრეზიდენტის, მიხელ სააკაშვილის სახელი ნახსენები არ არის.

ნინო ექვთიმიშვილი