საზოგადოება

გიორგი კვირიკაშვილი სოფელს დაბაში პარაკლისს დაესწრო

სასულიერო პირებმა სოფელ დაბის წმინდა გიორგის სახელობის ეკლესიაში ერთობის პარაკლისი გადაიხადეს, რომელსაც ქვეყნის პრემიერიც დაესწრო.

სასულიერო პირებმა სტიქიის ზონის მიმდებარე სოფლებში მცხოვრები მოსახლეობა დალოცეს, ასევე მეხანძრე- მაშველები და ყველა ის პირი რომელიც ხანძრის ლიკვიდაციის პროცესშია ჩართული.

„მთავარია, ჩვენ ვისწავლოთ განსაცდელის დაძლევა. აქ ყოფნა არის გამოხატულება ამ ერთობისა, რომ ერი და ბერი ერთად ვიბრძვით, ერთად ვლოცულობთ“,- აღნიშნა მეუფე თეოდორემ.

გარდა ამისა, სტიქიის ზონაში მყოფმა მეხანძრე-მაშველებმა საქართველოს კათოლიკოს-პატრიარქისგან, უწმინდესი და უნეტარესი ილია მეორისგან ტკბილეული და საკვები მიიღეს.

მონიკა დავლიანიძე