საზოგადოება

გიორგი კვირიკაშვილმა განათლების რეფორმის სამოქმედო გეგმაზე ისაუბრა

პრემიერ-მინისტრმა გიორგი კვირიკაშვილმა სასკოლო, პროფესიული და უმაღლესი განათლების სისტემაში დაგეგმილ რეფორმებზე ისაუბრა.

კვირიკაშვილის თქმით, მსოფლიო ბანკთან ერთად დაწყებულია უმაღლესი სასწავლებლების განვითარებაზე მუშაობა და შეიქმნება სისტემა, რომელიც ბაზრის მოთხოვნებზე გრძელვადიანად იქნება მორგებული.

პრემიერ-მინისტრის თქმით, პროფესიული განათლების კუთხით ევროპულ სივრცესთან დაახლოება იგეგმება.

„ვნერგავთ პროფესიული განათლების წარმატებულ მოდელს. შემუშავებულია პროფესიული განათლების შესახებ ახალი კანონპროექტი, რომელიც ევროპულ სივრცესთან დაახლოებას და თავსებადობას უზრუნველყოფს. შემდეგი სასწავლო წლიდან იგეგმება ევროპულ პროფესიულ კოლეჯებთან თანამშრომლობა რაც საშუალებას მოგვცემს გაცვლითი პროგრამების განვითარებას“- აცხადებს პრემიერი.

რაც შეეხება სკოლას, მისი თქმით, სასკოლო პროცესში მშობლებისა და ფსიქოლოგების ჩართულობა უფრო ინტენსიური გახდება.

„უმნიშვნელოვანესია ამოცანაა სკოლასა და განათლების სისტემაში ძალადობისგან თავისუფალი უსაფრთხო გარემოს შექმნა. ამ მიმართულებით შეიქმნა საკანონმდებლო ცვლილებების პროექტი, უფრო ინტენსიურად მოხდება მშობლებისა და ფსიქოლოგების ჩართვა სასწავლო პროცესში“,-განაცხადა პრემიერმა განათლების რეფორმის სამოქმედო გეგმის პრეზენტაციისას.