უახლესი ამბები
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
გიორგი ლომია ირაკლი ლატარიას წინააღმდეგ ცილისწამებისთვის სარჩელს შეიტანს
პარლამენტის წევრი ფრაქცია ,,საქართველოს პატრიოტებიდან“ გიორგი ლომია ყოფილი თანაპარტიელის, ირაკლი ლატარიას წინააღმდეგ ცილისწანმებისთვის სარჩელს შეიტანს.
,,დღეს ყველა სხვის ხარჯზე საკუთარი თავის პიარით არის დაკავებული,“ - ასე უპასუხა "პატრიოტთა ალიანსის" წევრმა გიორგი ლომიამ პარტიის ყოფილი წევრის, ირაკლი ლატარიას ბრალდებას, წამებასა და გატაცებასთან დაკავშირებით.
დეპუტატი ყოფილი თანაპარტიელის ბრალდებას უარყოფს.
"როდესაც ასეთ ბრალდებას დებ, მოტივი ხომ უნდა არსებობდეს. როდესაც ამბობ, რომ გაგიტაცეს, გაწამეს, იმასაც ხომ უნდა ამბობდე, რას გთხოვდნენ. ვგავარ ისეთ ადამიანს, რომელიც გაიტაცებს, აწამებს, არაფერს სთხოვს და უბრალოდ ტკბება ამ პროცესით", - განაცხადა დეპუტატმა.
ლომიას ინფორმაციით, ირაკლი ლატარიას პარტიაში მუშაობდა და რამდენიმე თვის წინ პარტიიდან 14-კაციან ჯგუფთან ერთად ლატარია მან გაათავისუფლა.
"ჩემი მიყვანილი არ არის პარტიაში, სანამ ჩვენ პარლამენტში მოვხვდებოდით, ვხელმძღვანელობდი უსაფრთხოების ნაწილს, ის პარტიაში მოვიდა 2015 წელს და ჩავაბარეთ ანალიტიკური სამსახური. დამთავრდა მისი პროექტი, შეწყდა კონტრაქტი, ჩვენ დავემშვიდობეთ მასაც და მის ჯგუფსაც. დამეკისრა, რომ მე გამეთავისუფლებინა სამსახურიდან. შესაბამისად უთანხმოება იყო, მაგრამ ეს ჩემი მხრიდან გატაცების მიზეზი ვერ იქნებოდა", - განაცხადა ლომიამ.
ცნობისათვის, ირაკლი ლატარიამ, ფრაქცია „პატრიოტთა ალიანსის“ წარმომადგენელი გიორგი ლომია, ცემასა და წამებაში დაადანაშაულა.