უკან
უახლესი ამბები
არქივი
პოლიტიკა
14 ივლისი, 2018 16:45
გიორგი მარგველაშვილი თორნიკე რიჟვაძეს შეხვდა
საქართველოს პრეზიდენტი გიორგი მარგველაშვილი აჭარის მთავრობის თავმჯდომარეობის კანდიდატს თორნიკე რიჟვაძეს სასტუმრო „შერატონში“ შეხვდა.
ინფორმაცია ამის შესახებ ჟურნალისტებს პრეზიდენტის ადმინისტრაციის ხელმძღვანელმა გიორგი აბაშიშვილმა მიაწოდა.
მისივე თქმით, შეხვედრა გაცნობითი ხასიათის იყო.
"ეს იყო გაცნობითი ხასიათის შეხვედრა. პრეზიდენტმა მოისმინა კანდიდატის ხედვები. ასევე ადმინისტრაციის წარმომადგენლებმა გავმართეთ შეხვედრა საინიციატივო ჯგუფთან, რომლებმაც დაასახელეს გოჩა გუგუნავა, დღეს კიდევ ერთხელ შევხვდით „ნაციონალური მოძრაობისა“ და „ევროპული საქართველოს“ წარმომადგენლებს. ჯერჯერობით კონსულტაციები გრძელდება. ამ დროისთვის დასახელებულია ერთი კანდიდატი და ერთი შემოგვთავაზა საინიციატივო ჯგუფმა", - განაცხადა აბაშიშვილმა.