პოლიტიკა
გიორგი მარგველაშვილსა და მაკა ჩიჩუას რიოს ოლიმპიადაზე 5-დღიანი ვიზიტი ბიუჯეტს 130 ათასზე მეტი ლარი დაუჯდა
ბრაზილიიის ქალაქ რიო დე-ჟანეიროში ზაფხულის ოლიმპიადაზე საქართველოს პრეზიდენტსა და პირველ ლედის 5-დღიანი ვიზიტი სახელმწიფო ბიუჯეტს 130 932 ლარი დაუჯდა.
ამის შესახებ ინფორმაციას Ipress-ი პრეზიდენტის ამდინისტრაციიდან გამოთხოვლი ინფორმაციის თანახმად ავრცელებს.
სააგენტოს მიერ გამოთხოვილი ინფორმაციის თანახმად, გიორგი მარგველაშვილისა და მაკა ჩიჩუასთვის სასტუმროს დაქირავების ხარჯმა 35 458. 67 ლარი შეადგინა.
ამასთან, პრეზიდენტის დღიურმა ნორმამ : 4 175.8 ლარი შეადგინა, მგზავრობის ხარჯმა კი 14 781. 3 ლარი.
მაკა ჩიჩუას დღიურმა ნორმამ 869. 2 ლარი შეადგინა, მისი მგზავრობის ხარჯი 11 528. 9 ლარი დაჯდა.
პრეზიდენტის ამდინისტრაციის ინფორმაციით, ტრანსპორტის დაქირავების ხარჯმა 48 257. 49 ლარი შეადგინა, ხოლო წარმომადგენლობითმა ხარჯმა 15 861. 59 ლარი.
Ipress აღნიშნავს, რომ მათ პრეზიდენტის ადმინისტრაციიდან აცნობეს, რომ ვიზიტის ფარგლებში სპეცრეისის მომზადება, მისი უზრუნველყოფისა და შესრულების ხარჯების ანაზღაურება დაევალა საქართველოს სახელმწიფო დაცვის სამსახურს.
შესაბამისად, სპეცრეისთან დაკავშირებული ხარჯების თაობაზე ინფორმაცია საქართველოს პრეზიდენტის ადმინისტრაციაში დაცული არ არის.