უკან
უახლესი ამბები
არქივი
პოლიტიკა
13 თებერვალი, 2019 10:10
გიორგი ქობულიას დღეს პარლამენტში მოუსმენენ
დღეს პარლამენტში ეკონომიკისა და მდგრადი განვითარების მინისტრი გიორგი ქობულია მივა.
ქობულიას დარგობრივი ეკონომიკისა და ეკონომიკური პოლიტიკის კომიტეტში მოუსმენენ, სადაც მინისტრი 2019 წლის სამოქმედო გეგმის შესახებ აპირებს საუბარს. ამის შემდეგ კი, დეპუტატების კითხვებს უპასუხებს.
მმართველი გუნდის მთავარი კითხვები შეეხება მცირე ბიზნესის მხარდაჭერას და სიღარიბის დაძლევასთან დაკავშირებით სამინისტროს გეგმას. საპარლამენტო უმრავლესობის წევრები საქართველოში საინვესტიციო გარემოთიც დაინტერესდებიან.
საქართველოს ეკონომიკისა და მდგრადი განვითარების მინისტრს კითხვებს საპარლამენტო უმცირესობაც დაუსვამს. ოპოზიციას კითხვები კორუფციასთან და ტენდერებთან დაკავშირებით ექნება.
გიორგი ქობულია კომიტეტის სხდომაზე 17:00 საათისთვის მივა.